شىعىس قازاقستاندا 2-9 -ناۋرىز ارالىعىندا قار كوشكىنى ءجۇرۋ قاۋپى بار

ش ق و توتەنشە جاعدايلار دەپارتامەنتىنىڭ مالىمەتىنە سۇيەنسەك، اۋا تەمپەراتۋراسىنىڭ كۇرت جىلىنۋىنا بايلانىستى تاۋلى جەرلەردە قار كوشكىنى ءجۇرۋى مۇمكىن.

«الدىن الۋ جۇمىستارىنىڭ جۇرگىزىلىپ جاتقانىنا قاراماستان 2-9 - ناۋرىز ارالىعىندا كوشكىن ءجۇرۋ قاۋپى ساقتالادى. سەبەبى بيىل جاۋعان قار مولشەرى نورمادان كوپ. وتكەن اپتانىڭ سوڭىندا «كازسەلەزاشيتا» ماماندارى «وسكەمەن- تاۋلى ءۇلبى- سيەۆەرنوە» جولىنىڭ ەكى ۋچاسكەسىندە جانە «وسكەمەن- التاي» تاسجولىنىڭ ءۇش ۋچاسكەسىندە پروفيلاكتيكالىق كوشكىن جۇرگىزدى. سونىڭ ناتيجەسىندە 16700 تەكشە مەتر قار تۇسكەن» ، - دەپ حابارلادى ۆەدومستۆو وكىلدەرى.

ت ج د تۇرعىندارعا الىس ساپارعا شىقپاۋعا، كوشكىن قاۋپى جوعارى تاۋلى جەرلەرگە بارماۋعا كەڭەس بەرەدى.