ۇلى بريتانيا پاتشايىمى 2-ەليزاۆەتا 96 جاسىندا دۇنيەدەن ءوتتى
بريتاندىق س ءى م بۇل وقيعا تۋرالى ەليزاۆەتا II رەسمي مەملەكەت باسشىسى بولعان 15 ەلدىڭ ۇكىمەتىنە، سونداي-اق ۇلتتار دوستاستىعىنا مۇشە 38 ەلدىڭ باسشىلىعىنا حابارلادى.
پاتشايىمنىڭ قايتىس بولعانى تۋرالى حابارلانعاننان كەيىن لوندوننىڭ ورتالىعىنداعى بارلىق ۇكىمەتتىك عيماراتتارداعى مەملەكەتتىك تۋ ءتۇسىرىلدى.
بۇعان دەيىن مونارح بالمورالدا مەديتسينالىق باقىلاۋدا بولعاندىعى تۋرالى حابارلانعان ەدى.
پاتشايىمنىڭ ۇلى حانزادا چارلز جانە باسقا دا وتباسى مۇشەلەرى شوتلاندياداعى رەزيدەنتسياسىنا كەلىپ، ونىمەن بىرگە بولدى.
ايتا كەتەيىك، II ەليزاۆەتا (اعىلش. Elizabeth II)، تولىق اتى- ءجونى - ەليزاۆەتا الەكساندرا ماريا (اعىلش. Elizabeth Alexandra Mary؛ 1926 -جىل 21-ءساۋىر، لوندون - 2022 -جىل 8-قىركۇيەك، بالمورال قامالى، شوتلانديا) 1952 -جىل مەن 2022 -جىل ارالىعىندا ۇلى بريتانيا پاتشايىمى، ۇلى بريتانيا تاريحىنداعى ەڭ ۇزاق بيلىك ەتكەن مونارحى.
پاتشايىم II ەليزاۆەتا ۆيندزور اۋلەتىنەن شىققان. تاققا 1952 -جىلدىڭ 6-اقپانىندا، ياعني 25 جاسىندا، اكەسى - VI گەورگتىڭ ولىمىنەن كەيىن وتىردى.
ۇلتتار دوستاستىعىنىڭ باسشىسى، سونداي- اق II ەليزاۆەتا حانشايىم ۇلى بريتانيا پاتشالىعىنان بولەك اۋستراليا، انتيگۋا جانە باربۋدا، باگام ارالدارى، بەليز، گرەنادا، كانادا، جاڭا زەلانديا، پاپۋا - جاڭا گۆينەيا، سەنت- ۆينسەنت جانە گرەناديندەر، سەنت-كيتس جانە نەۆيس، سەنت- ليۋسيا، سولومون ارالدارى، تۋۆالۋ، يامايكا سياقتى 15 مەملەكەتتىڭ پاتشايىمى بولىپ سانالادى. سونىمەن قاتار، انگليا شىركەۋىنىڭ باسشىسى جانە ۇلىبريتانيانىڭ قارۋلى كۇشتەرىنىڭ جوعارعى باس قولباسشىسىنىڭ قىزمەتىن اتقارادى.
ەليزاۆەتا حانشايىمنىڭ باسقارۋ كەزەڭىندە بريتانيا مونارحياسى ءۇشىن كوپتەگەن تاريحي وقيعالار ورىن الدى: بريتان يمپەرياسىنىڭ ىدىراپ، ۇلتتار دوستاستىعىنىڭ قۇرىلعاندىعىن ايقىندايتىن - دەكولونيزاتسيا ءۇردىسى اياقتالدى.
ەليزاۆەتا حانشايىم بريتاندىق رەسپۋبليكاشىلداردىڭ سىنىنان بولەك، بريتاندىق ب ا ق-تىڭ، سونداي-اق قوعامنىڭ دا سىنىنا قالدى. دەگەنمەن، II ەليزاۆەتا بريتان مونارحياسىنىڭ ابىرويىن ساقتاپ قالىپ، ونىڭ ۇلى بريتانياداعى ايگىلىگىن تۇسىرگەن ەمەس.
