ا ق ش-تا تابيعات اپاتىنان 2,7 ميلليوننان استام ادام جارىقسىز قالدى

نۇر-سۇلتان. قازاقپارات - «يساياس» تروپيكالىق داۋىلى ا ق ش- تىڭ شىعىس جاعالاۋىندا 2,7 ميلليون استام ادامدى ەلەكتر جارىعىنسىز قالدىردى.

بۇل تۋرالى قازاقپارات CNN تەلەكومپانياسىنا سىلتەمە جاساپ حابارلايدى. داۋىل 8 شتاتتى جايپاپ وتكەن. ەڭ كوپ زارداپ شەككەن نيۋ-دجەرسي شتاتىنىڭ تۇرعىندارى، وندا 1,3 ميلليون استام ءۇي جارىقسىز قالدى.

سولتۇستىك كارولينادا 303 مىڭنان استام، ۆيردجينيادا - 347 مىڭنان استام، مەريلەندتە - 43,8 مىڭنان استام ادام وسىنداي جاعدايدى باسىنان كەشىپ وتىر.

بۇدان باسقا، قازا تاپقان 4 ادام تۋرالى حابارلاندى. «يساياس» داۋىلى امەريكانىڭ سولتۇستىك كارولينا شتاتىنىڭ جاعالاۋىندا 3-تامىزدا، كەشقۇرىم باستالعان ەدى. قازىرگى كەزدە ول ءبىرشاما السىرەدى.