قازاقستان شەكاراسىنان 2 ميلليون 680 مىڭ تەڭگەنى جاسىرىن الىپ وتپەك بولعان جولاۋشى ۇستالدى

استانا. قازاقپارات - قازاق-قىرعىز شەكاراسى ارقىلى قوماقتى قارجىسىن جاسىرىن تۇردە الىپ وتپەك بولعان ازامات ۇستالدى، دەپ حابارلايدى BNews.kz.

«وڭتۇستىكتەگى قورداي شەكارا وتريادىنا قاراستى «كورداي اۆتو» باقىلاۋ-وتكىزۋ بەكەتىنىڭ باقىلاۋشىلارى 2 ميلليون 680 مىڭ تەڭگەنى دەكلاراتسيالاماي، جاسىرىن تۇردە قىرعىزستانعا الىپ وتپەك بولعان 34 جاستاعى زاڭ بۇزۋشىنى ۇستادى. ونىڭ جەكە باسىن تەكسەرۋ كەزىندە قول سومكەسىنەن شىعا كەلگەن قوماقتى سومانىڭ قاجەتتى قۇجاتتارى بولماي شىقتى»، دەپ حابارلادى ق ر ۇ ق ك شق باسپا ءسوز قىزمەتى.

ۇستالعان ازامات ق ر قىلمىستىق كودەكسىنىڭ 209-بابى 1-تارماعى بويىنشا «قورداي» كەدەن بەكەتىنىڭ قىزمەتكەرلەرىنە بەرىلدى.