بويجەتكەن كەن ورنىنان 2,65 كاراتتىق الماز تاۋىپ الدى

استانا. قازاقپارات - وكلاحوما شتاتىنىڭ 25 جاستاعى تۇرعىنى ۆيكتوريا برودسكي (Victoria Brodski) كەن ورنىنان سالماعى جەتى كاراتتان اساتىن باعالى تاستى تابۋعا بولاتىنىن بىلگەننەن كەيىن، «الماز كراتەرىنە» ءوزىنىڭ تۋعان كۇنىندە كەلۋگە ۇيعارادى.

اتالمىش جەرگە كەلگەن سوڭ، بىرنەشە مينۋتتىڭ ىشىندە ونىڭ كوزىنە شاحتانىڭ كىرە بەرىسىنەن جالتىلداعان ءتۇرلى-ءتۇستى شىنى تۇسەدى، دەپ حابارلايدى UPI.

بويجەتكەن ساياباقتىڭ مۋزەيىندەگى باعالى تاستاردىڭ ۇلگىلەرىن كورگەننەن كەيىن، ونىڭ تاپقان شىنىلارىنىڭ اسىل تاستار ەكەنىنە كوز جەتكىزگەن.

«ميسسيس برودسكيدىڭ تاپقان زاتى - مەنىڭ بۇل جەردە بۇرىن-سوڭدى كورگەن ەڭ ادەمى قوڭىر المازدارىمنىڭ ءبىرى»، - دەپ مالىمدەدى مۋزەي قىزمەتكەرى ۆەيمون كوكس (Waymon Cox).

كوكس تابىلعان المازدى «نيندزيا-تاسباقالار» مۋلتفيلمىندەگى كەيىپكەرلەردىڭ ءبىرىنىڭ قۇرمەتىنە ميكەلاندجەلو دەپ اتادى.