قازاقستان مەن وزبەكستان اراسىنداعى تاۋار اينالىمى شامامەن 2,5 ميلليارد دوللاردى قۇرادى

تاشكەنت. قازاقپارات - قازاقستان بيىلعى جىلعى جەتى ايدىڭ قورىتىندىسى بويىنشا وزبەكستاننىڭ نەگىزگى سىرتقى ساۋدا سەرىكتەستەرىنىڭ «ۇشتىگىنە» كىرەدى، دەپ حابارلايدى قازاقپارات ءتىلشىسى.

ءو ر ستاتيستيكا اگەنتتىگىنىڭ مالىمەتىنشە، جىلدىڭ قاڭتار-شىلدە ايلارىندا وزبەكستاننىڭ سىرتقى ساۋدا اينالىمى 34,9 ميلليارد دوللارعا جەتتى. بۇل وتكەن جىلدىڭ سايكەس كەزەڭىمەن سالىستىرعاندا 23,3 پايىز كوپ.

ەلدىڭ باستى ساۋدا سەرىكتەسى قىتاي بولىپ قالا بەرەدى. ەلدەر اراسىنداعى اينالىم 6,9 ميلليارد دوللاردى قۇرادى (جالپى كولەمنىڭ 19,7 پايىزى). بۇل كورسەتكىش بويىنشا ەكىنشى ورىندا رەسەي تۇر - 5,3 ميلليارد دوللار (15,1 پايىز). وزبەكستانمەن تاۋار اينالىمى بويىنشا كوشباسشى ەلدەر ۇشتىگىنە قازاقستان دا كىردى - 2,49 ميلليارد دوللار (7,1 پايىز).

جالپى تاۋار اينالىمى قۇرىلىمىندا وزبەكستان قازاقستانعا 807,7 ميلليون دوللارعا تاۋار ەكسپورتتادى، ال يمپورت 11682,7 ميلليون دوللاردى قۇرادى.

بۇعان دەيىن حابارلاعانىمىزداي، 2022-جىلدىڭ قورىتىندىسى بويىنشا ەكىجاقتى تاۋار اينالىمى جوسپارلانعان $5 ميللياردقا جەتتى.