بيزنەسمەن مەسسي مەن رونالدۋدىڭ قاتىسۋىمەن وتەتىن ماتچقا 2,5 ميلليون ەۋروعا بيلەت ساتىپ الدى

None
استانا. قازاقپارات - بيزنەسمەن مۋشراف ال- گامدي مەسسي مەن رونالدۋدىڭ قاتىسۋىمەن وتەتىن ماتچقا 2,5 ميلليون ەۋروعا بيلەت ساتىپ الدى، دەپ حابارلايدى قازاقپارات ءتىلشىسى.

Championat.com سايتىنان الىنعان مالىمەتكە قاراعاندا، «پ س ج» (پاريج) مەن ساۋد ارابياسىنىڭ «ال-ناسر» جانە «ال-حيليال» بىرىككەن كومانداسى اراسىندا ويىن 19- قاڭتار كۇنى كەشكىسىن ەر-ريادتا وتەدى.

ساۋد ارابياسى ويىن-ساۋىق ىستەرى جونىندەگى باس باسقارماسىنىڭ ءتوراعاسى تۋركي ال اش-شەيحتىڭ الەۋمەتتىك جەلىدە ءمالىم ەتكەنىندەي، بيلەت قارجىسى Ehsan مەملەكەتتىك قايىرىمدىلىق قورىنا تۇسەدى. بيلەت ال-گامديگە باسەكەنى VIP- ايماقتان تاماشالاۋعا، سونداي-اق ويىننان سوڭ فۋتبولشىلار شەشىنەتىن جەرگە كىرىپ، ليونەل مەسسي جانە كريشتيانۋ رونالدۋمەن كەزدەسۋىنە مۇمكىندىك بەرەدى.

رونالدۋ وسىعان دەيىن جاڭا كلۋبى قۇرامىندا بىردە-ءبىر رەت كەزدەسۋگە قاتىسپاسا دا، ويىنعا كاپيتان بولىپ شىقپاقشى. سونىمەن قاتار ساۋديالىق بىرىككەن كوماندادا باسقا دا اتاقتى فۋتبولشىلار ونەر كورسەتپەكشى.

L'equipe باسىلىمىنىڭ جازۋىنشا، قۇرامىندا مەسسي بار «پسج» وسى ماتچ ءۇشىن 10 ميلليون ەۋرو تاپپاقشى.

ك. رونالدۋ مەن ل. مەسسي جاسىل الاڭدا سوڭعى رەت 2020-جىلدىڭ جەلتوقسانىندا كەزدەسكەن ەدى. وندا «يۋۆەنتۋس» چەمپيوندار ليگاسىندا «بارسەلونانى» 3:0 ەسەبىمەن جەڭىپ، پورتۋگاليالىق شابۋىلشى قوس گولدىڭ اۆتورى اتانعان بولاتىن.

ەسكە سالا كەتەيىك، بۇدان بۇرىن «بارسەلونانىڭ» يسپانيانىڭ سۋپەركۋبوگىن جەڭىپ العانىن، لوندوننىڭ «ارسەنالى» ءوز تاريحىندا العاش رەت 18 ماتچتا كوپ ۇپاي جيناعانىن جازعان ەدىك.

سوڭعى جاڭالىقتار