وتباسىندا ءزابىر كورسەتىپ كەلگەن 2,5 مىڭ قازاقستاندىق ەسەپكە قويىلدى

«قۇقىق قورعاۋ ورگاندارى قىزمەتىنىڭ باسىم باعىتتارىنىڭ ءبىرى - تۇرمىستىق زورلىق-زومبىلىقپەن كۇرەس. تۇرمىستىق زورلىق-زومبىلىقتىڭ تۋىنداۋىنا ءجيى اكەلىپ سوعاتىن سەبەپ تۇرمىستىق جاعدايدىڭ ناشارلىعى مەن قۇقىقتىق ساۋاتتىلىقتىڭ تومەندىگى. مەملەكەت باسشىسى اتالعان پروبلەمانى جويۋ ماقساتىندا ءتيىمدى شارا قولدانۋدى تاپسىردى. وسى ورايدا ىشكى ىستەر مينيسترلىگى «تۇرمىس» جەدەل پروفيلاكتيكالىق شاراسىن وتكىزدى. جەرگىلىكتى اكىمدىك، ءبىلىم بەرۋ، دەنساۋلىق ساقتاۋ ۇيىمدارى مەن الەۋمەتتىك مەكەمەلەردىڭ سەنىم تەلەفونى ىسكە قوسىلدى. ناتيجەسىندە 800 تۇرمىسى ناشار وتباسى انىقتالىپ، تۇرمىستىق زورلىق- زومبىلىققا بەيىم 2,5 مىڭ ادام ەسەپكە الىندى»، - دەدى ق ر ءى ءى م وكىلى شۇعىلا تۇرلىبەك ونلاين وتكەن باسپا ءسوز ءماسليحاتىندا.

ءى ءى م ۇسىنعان مالىمەتكە سۇيەنسەك، اتالعان شارا بارىسىندا 14 قۇقىق بۇزۋشى اكىمشىلىك جاۋاپ تارتىلدى. ونىڭ ىشىندە كۇش كورسەتۋ، بالا تاربيەسىنە نەمقۇرايلى قاراۋ جانە ىشىمدىك ءىشۋ جايتتارى بار.

«400 ازاماتتان قولحات الىندى. ودان بولەك، وتباسىلىق زورلىق-زومبىلىققا قاتىستى 400 ءىس سوتقا جىبەرىلدى. سونىمەن قاتار زورلىق كورگەن جانە زارداپ شەككەن جاندارعا پسيحولوگيالىق- الەۋمەتتىك كومەك قولداۋ كورسەتىلدى. وسىعان وراي ازاماتتاردان زورلىق-زومبىلىققا جول بەرمەۋگە جانە وعان توزبەۋگە شاقىرادى»، - دەيدى ول.

اۆتور: ءالي يبرايەۆ