وتباسىنداعى زورلىق-زومبىلىق فاكتىسى بويىنشا 2,5 مىڭعا جۋىق ادام جاۋاپقا تارتىلدى – ش ق و

وسكەمەن. قازاقپارات - شىعىس قازاقستان وبلىسىندا بيىل تۇرمىستىق زورلىق- زومبىلىق فاكتىسى بويىنشا 2 مىڭنان استام ادام جاۋاپقا تارتىلدى، دەپ حابارلايدى قازاقپارات ءتىلشىسى.

جىل باسىنان بەرى وڭىردە وتباسىلىق- تۇرمىستىق قاتىناستار سالاسىندا قۇقىق بۇزۋشىلىق جاساعان 2411 ادام اكىمشىلىك جاۋاپكەرشىلىككە تارتىلعان. پوليتسيا قىزمەتكەرلەرى 5 مىڭنان استام قورعاۋ نۇسقاماسىن شىعاردى. ولاردى بۇزعانى ءۇشىن 753 ادام جازاعا تارتىلدى.

«ءتارتىپ ساقشىلارىنىڭ ءوتىنىشى بويىنشا 882 قۇقىق بۇزۋشىنىڭ مىنەز- قۇلقىنا ەرەكشە تالاپ بەلگىلەنگەن. ونىڭ ىشىندە 825 ادامعا الكوگولدى ىشىمدىك ىشۋگە تىيىم سالىندى. وسى باعىتتاعى جۇمىس الداعى ۋاقىتتا دا جالعاسىن تابادى»، - دەدى ش ق و پ د جەرگىلىكتى پوليتسيا قىزمەتى باسقارماسىنىڭ باستىعى تالعات نۇريەۆ.

وسى رەتتە شىعىس قازاقستان وبلىستىق پوليتسيا دەپارتامەنتى ازاماتتاردى تۇرمىستىق زورلىق- زومبىلىق فاكتىلەرى بولعان جاعدايدا دەرەۋ «102» ارناسىنا قوڭىراۋ شالۋعا شاقىرادى.

اۆتور: تالعاتجان مۇحامەتبەك ۇلى