ەلىمىزدەگى 2,5 مىڭ مەشىتتە سىبايلاس جەمقورلىققا قارسى ۋاعىز ايتىلدى
ءىس-شاراعا اگەنتتىك ءتوراعاسى اليك شپەكبايەۆ، ق ر اقپاراتتىق جانە دامۋ مينيسترلىگىنىڭ ءدىن ىستەرى كوميتەتى ءتوراعاسىنىڭ ورىنباسارى باۋىرجان باكىروۆ، قازاقستاننىڭ باس ءمۇفتيى وراز سەرىكباي، قازاقستانداعى ەۆانگەليا- ليۋتەراندىق شىركەۋ باسشىسى، ارحيەپيسكوپ يۋريي نوۆگورودوۆ، استاناداعى اۋليە-ۋسپەنسكيي كافەدرالدىق سوبورىنىڭ پروتويەرەيى دميتريي بايدەك، فرانسيسكاندىق وردەندەر قاۋىمداستىعىنىڭ باسشىسى ميحاەل مايەتيچ، سونداي-اق وڭىرلىك ءدىني بىرلەستىكتەردىڭ وكىلدەرى بەينەكونفەرەنتسبايلانىس ارقىلى قاتىستى.
جيىن بارىسىندا اليك شپەكبايەۆ سىبايلاس جەمقورلىققا قارسى تابىستى ساياساتتى جۇرگىزۋدە رۋحاني مادەنيەتتىڭ نەگىزگى ماڭىزىن اتاپ ءوتتى. ول سىبايلاس جەمقورلىق بارلىق الەمدىك دىندەر مەن رۋحاني وي مەكتەپتەرىمەن ايىپتالاتىنىن، ال بوتەن مۇلىكتى زاڭسىز يەمدەنۋ مەن پاراقورلىق - كۇنا بولىپ تابىلاتىنىن اتاپ ءوتتى.
«ءسىزدىڭ ءارقايسىڭىز ءدىني پارىز تۇرعىسىنان عانا ەمەس، جالپى قابىلدانعان ادام ءمورالىنىڭ نورمالارى تۇرعىسىنان زاڭسىز ارەكەتتەرگە تىيىم سالۋدى تۇسىندىرە الاسىزدار. ءبىز ءۇشىن سىزدەرمەن مىقتى ازاماتتىق ۇستانىمدى جانە سىبايلاس جەمقورلىق كورىنىستەرىنە توزبەۋشىلىكتى تاربيەلەۋ ماسەلەلەرىندە ءوزارا ءىس-قيمىلدى نىعايتۋ وتە ماڭىزدى»، - دەپ اتاپ ءوتتى اگەنتتىك باسشىسى.
جالپى وتكەن ەكى جىلدا 2,5 مىڭ مەشىتتە جۇما نامازىنىڭ الدىندا «پاراقورلىق پەن جەمقورلىقتىڭ قاسىرەتى» ۋاعىزى وقىلعان.
اگەنتتىك ءدىني قىزمەتكەرلەردى سىبايلاس جەمقورلىققا قارسى ءبىلىمىن جەتىلدىرىپ، دايىنداۋ ماقساتىندا 300 دەن استام سەمينار ۇيىمداستىردى. بۇگىندە وسى سالانىڭ 15000 نان استام وكىلىندە قاجەتتى اقپارات پەن داعدى بار.
سىبايلاس جەمقورلىققا قارسى مادەنيەتتى قالىپتاستىرۋ سالاسىندا قابىلدانىپ جاتقان شارالار تۋرالى اڭگىمەلەگەن اگەنتتىك ءتوراعاسىنىڭ ورىنباسارى ولجاس بەكتەنوۆ وسكەلەڭ ۇرپاق ەلىمىزدىڭ مەكتەپكە دەيىنگى مەكەمەلەرىندە، مەكتەپتەرىندە، كوللەدجدەر مەن جوعارى وقۋ ورىندارىندا سىبايلاس جەمقورلىققا قارسى تاربيەمەن جانە وقىتۋمەن قامتىلعانىن اتاپ ءوتتى.
«ادامداردىڭ سىبايلاس جەمقورلىقتان سانالى تۇردە الشاق ءجۇرۋى ماڭىزدى. مۇنداي سەنىم ادامنىڭ ادامگەرشىلىك جانە رۋحاني دامۋى ارقىلى بولۋى مۇمكىن، - دەپ اتاپ ءوتتى ولجاس بەكتەنوۆ - مەشىت، شىركەۋ، عيباداتحانا، سيناگوگا جانە باسقا دا ءدىني عيماراتتار - ادامگەرشىلىككە باۋليتىن تاربيە ورتالىقتارى. ءدىني راسىمدەردى، ۋاعىزداردى ورىنداۋ كەزىندە سىبايلاس جەمقورلىقتىڭ كۇنا ەكەندىگى تۋرالى ۇنەمى ءتۇسىندىرۋدى تاجىريبەگە ەنگىزۋدى وتىنەمىز»، - دەدى ول ءدىن وكىلدەرى.
ولجاس بەكتەنوۆتىڭ ايتۋىنشا، قازاقستاندا 15 ءدىني ءبىلىم بەرۋ ۇيىمى، مەشىتتەر مەن جەكسەنبىلىك مەكتەپتەر جانىندا 400 باستاۋىش كۋرس، ءدىني عيماراتتاردان تىس جەرلەردە ءدىني ءىس- شارالاردى وتكىزۋگە ارنالعان 383 ءۇي-جاي، ءدىني ادەبيەتتەر مەن ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋعا ارنالعان 257 ارنايى تۇراقتى ءۇي-جاي جۇمىس ىستەيدى.
حالىقتىڭ ىرگەلى قۇندىلىقتارىن نىعايتۋ ماقساتىندا اگەنتتىك ءدىني قىزمەتشىلەردى دايارلاۋدىڭ كاسىپتىك وقۋ باعدارلامالارىن ىسكە اسىراتىن وسى رۋحاني جانە ءدىني ءبىلىم بەرۋ ۇيىمدارىنىڭ قابىرعالارىندا سىبايلاس جەمقورلىققا قارسى اعارتۋ ماسەلەلەرىنە نازار اۋدارۋدى ۇسىندى.
كۇن تارتىبىندەگى كەڭ اۋقىمدى ماسەلەلەردى تالقىلاي وتىرىپ، ءىس-شاراعا قاتىسۋشىلار سىبايلاس جەمقورلىققا قارسى اعارتۋ ماسەلەلەرى بويىنشا بىرلەسكەن كۇش-جىگەرمەن جۇزەگە اسىرىلاتىن ءبىرقاتار ۇسىنىستار مەن ۇسىنىمداردى ايتتى.
شارا سوڭىندا قاتىسۋشىلار سەرىكتەستىك ءپرينسيپى بويىنشا ءوزارا ءىس-ارەكەت جاساۋعا كەلىستى.