قىتاي 2,5 مىڭنان استام قاشقىن جەمقوردى شەتەلدەن قايتاردى

استانا. قازاقپارات - ق ح ر بيلىگى 90 ەلدە جاسىرىنعان 2566 قاشقىن جەمقوردى شەتەلدەن قايتاردى. سونداي- اق، ولاردىڭ جىمقىرعان 8,6 ميلليارد يۋانىن ($1,25 ميلليارد) قايتارىپ الدى.

بۇل تۋرالى ت ا س س China Daily گازەتىنە سىلتەمە جاساپ حابارلايدى.

باسىلىم اتاپ وتكەندەي، 1283 ادام كىنالارىن مويىنداپ، قىتايعا ءوز ەركىمەن قايتىپ كەلگەن. 410 قاشقىن بۇرىن قىتاي كوممۋنيستىك پارتياسىنىڭ مۇشەسى بولىپ، ءتۇرلى مەملەكەتتىك قىزمەتتەردى اتقارعان.

قاشقىن وتانداستاردى ىزدەۋ جانە قايتارۋ ورتالىق جۇمىس توبىنىڭ مالىمدەمەسىندە اتالىپ وتىلگەندەي، ۇيىمداستىرىلعان بۇل ناۋقان «شەنەۋنىكتەردىڭ شەتەلگە قاشۋىن توقتاتۋعا سەپتىگىن تيگىزگەن». ەگەر 2014 -جىلى شەتەلگە 101 مەملەكەتتىك قىزمەتشى قاشىپ كەتپەكشى بولسا، وتكەن جىلى ولاردىڭ سانى 19-عا ازايعان.

 ودان بولەك، قىتاي بيلىگى بەلسەندى ىزدەۋدەگى 100 جەمقوردىڭ 39-ىن ەلگە قايتاردى.