09:20, 14 - شىلدە 2016 | GMT +6
پاۆلوداردا ءوز ءۇيىنىڭ اۋلاسىندا ايەلدى قاعىپ ولتىرگەن جۇرگىزۋشى 2,5 جىلعا سوتتالدى
استانا. قازاقپارات - پاۆلوداردا ءوز ءۇيىنىڭ اۋلاسىندا ايەلدى قاعىپ ولتىرگەن جۇرگىزۋشىنى 2,5 جىلعا باس بوستاندىعىنان ايىردى، دەپ حابارلادى №2 -قالالىق سوتتىڭ باسپا ءسوز قىزمەتىنەن.
ءىس ماتەريالدارىنا سايكەس، 2015 -جىلى 10 -قازاندا جۇرگىزۋشى ۋ. پاۆلودارداعى ءۇيىنىڭ اۋلاسىندا ارتقا قاراي جۇرگەندە جاياۋ جۇرگىنشىنى قاعىپ كەتكەن. ايەل الىنعان جاراقاتتار سالدارىنان جەدەل جاردەم كولىگىندە اجال قۇشتى. جۇرگىزۋشى وقيعا ورنىنان ءىزىن سۋىتتى.
سوت ۇكىمىمەن ۋ. ق ر ق ك 345 -بابى 3 -ءبولىمى جانە 347 -بابىندا قاراستىرىلعان قىلمىستار بويىنشا ايىپتى دەپ تانىلدى. ول ەكى جىل التى ايعا باس بوستاندىعىنان جانە 4 جىلعا كولىكتى باسقارۋمەن بايلانىستى قىزمەتپەن اينالىسۋ قۇقىعىنان ايىرىلدى.
ۇكىم زاڭدى كۇشىنە ەنبەدى.