22:08, 10 - ناۋرىز 2016 | GMT +5
ورالدا پارا العان لاۋازىمدى قىزمەتكەرگە 2,5 ميلليون تەڭگە ايىپپۇل سالىندى
ورال. قازاقپارات - ورال قالالىق سوتىنىڭ ۇكىمىمەن قالالىق تۇتىنۋشىلار قۇقىعىن قورعاۋ باسقارماسى باسشىسىنىڭ ورىنباسارى د. قازيەۆا ق ر ق ك 366-بابى 1-بولىمىنە (پارا الۋ) سايكەس ايىپتى دەپ تانىلىپ، وعان مۇلكىن تاركىلەۋمەن بىرگە پارانىڭ ەلۋ ەسەلەنگەن كولەمىندە 2,5 ميلليون تەڭگە ايىپپۇل سالىندى.
ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، ول سونداي-اق جەرگىلىكتى ءوزىن-ءوزى باسقارۋ جانە مەملەكەتتىك ورگانداردا لاۋازىمدى قىزمەت اتقارۋ قۇقىعىنان ءومىر بويىنا ايىرىلدى.
سوت تالقىسىندا بەلگىلى بولعانىنداي، د. قازيەۆا «اتابا- ورال» ج ش س ديرەكتورىنان كاسىپورىن قىزمەتىنە جالپى قامقورشىلىعى ءۇشىن 50 مىڭ تەڭگە پارا العان.
سوت بارىسىندا سوتتالۋشى ءوز كىناسىن مويىندادى. سوت جازانى بەلگىلەگەن كەزدە جاسالعان قىلمىستىڭ سيپاتىن، اۋىرلىق دارەجەسىن، سوتتالۋشىنىڭ ءوز ايىبىن مويىنداعانىن جانە كامەلەتكە تولماعان بالاسى بار ەكەندىگىن ەسكەردى.
سوت ۇكىمى كۇشىنە ەنگەن جوق.
