07:26, 06 - جەلتوقسان 2015 | GMT +5
قىتايدان 2,5 مىڭ قىمبات باعالى ۇيالى تەلەفوندى زاڭسىز الىپ كىرمەك بولعان
استانا. قازاقپارات - قازاقستاندىق- قىتايلىق شەكارادا ورنالاسقان حالىقارالىق ساۋدا ورتالىعىنىڭ (قورعاس) شەكارا ناريادىنىڭ قىراعىلىعىنىڭ ارقاسىندا قازاقستان رەسپۋبليكاسىنىڭ 1964 - جىلى تۋعان «احۋندجان» دەگەن ازاماتى ۇستالدى.
ونىڭ حالىقارالىق ساۋدا ورتالىعىنان ءمىنىپ كەلە جاتقان «تويوتا» اۆتوماشيناسىن قاراۋ كەزىندە، كولىك سالونىنان جاريالانباعان 2508 دانا قىمبات باعالى ۇيالى تەلەفوندار تابىلدى.
اتالعان ءىس ق ر ق ك 234 بابىنىڭ 1-تارماعى بويىنشا اقپاراتتى تىركەۋ جۋرنالىنا تىركەلدى، دەپ حابارلادى ق ر ۇ ق ك ش ق باسپا ءسوز قىزمەتى.
