قاراعاندى وبلىسىندا «التىن الماس» زاۋىتى جىل سوڭىنا دەيىن 2,5 توننا التىن وندىرمەك - فوتو
بۇل تۋرالى كومپانيادان حابارلادى.
«پۋستىننوە» جوباسى بويىنشا 2014-جىلدىڭ جەلتوقسانىندا وسى اتاۋمەن جۇمىس ىستەپ وتىرعان كەن ورنىندا التىن كەندى قايتا وڭدەۋدەن باستاپ دورە قورىتپاسىنان وندىرۋگە دەيىنگى بۇكىل سيكلدى قامتيتىن زاماناۋي كەن-مەتاللۋرگيا كاسىپورنى ىسكە قوسىلدى. جوبانىڭ ءوندىرۋ جانە قايتا وڭدەۋ قۋاتتىلىعى جىلىنا 2 ميلليون توننانى قۇرايدى. جوبا كەندى كارەرلىك ادىسپەن ءوندىرۋدى قاراستىرادى، بۇل تومەن وپەراتسيالىق شىعىنداردى قامتاماسىز ەتەدى. وندىرىلگەن كەندى قايتا وڭدەۋ تەحنولوگياسى - تىكەلەي سيانداۋ. قۇرىلىسقا قۇيىلعان ينۆەستيتسيالار 140 ميلليون ا ق ش دوللارىنان استى»، - دەدى كومپانيادا.
جوبا يندۋستريالاندىرۋ كارتاسىنا ەنگىزىلدى.
2014-جىلدان باستاپ كومپانيا دورە قورىتپاسىنىڭ بۇكىل كولەمىن ىشكى نارىقتا ساتىپ ءجۇر. ءونىم استاناداعى «تاۋ-كەن التىن» ج ش س- ءنىڭ اففيناج زاۋىتىنا جەتكىزىلۋدە.
«تاۋار ونىمدەرىن شىعارۋ بويىنشا جوسپارلىق كورسەتكىشتەردىڭ ورىندالۋىن ەسەپكە الا وتىرىپ، 2015-جىلى كومپانيا اففيناجعا دورە قورىتپاسىنان 3500 كەلى التىن، سونىڭ ىشىندە «پۋستىننوە» جوباسى بويىنشا 2480 كەلى التىن ساتادى»، - دەپ اقپاراتتاندىردى كومپانيادان.
كاسىپورىننىڭ مالىمەتتەرىنشە، «پۋستىننوە» جوباسى ىسكە قوسىلعان سوڭ 450 دەن استام جۇمىس ورنى اشىلدى. جانە نەگىزىنەن قاراعاندى وبلىسىنىڭ تۇرعىندارى جۇمىسقا ورنالاستىرىلدى. «پۋستىننوە» جوباسى بويىنشا جەردى پايدالانۋشىنىڭ ايماقتى الەۋمەتتىك دامىتۋعا الەۋمەتتىك تولەمدەرى 2015-جىلى 6 ميلليونعا جۋىق تەڭگەنى قۇرادى.
2016-جىلى كومپانيا پايدالانىپ وتىرعان كاسىپورىندارى سوڭىنا دەيىن بارلاۋ ارقىلى شيكىزات بازاسىن دامىتۋدى جوسپارلاپ وتىر. سونداي-اق تەحنولوگيالاردى جاڭعىرتۋ بويىنشا جۇمىستار بەلگىلەنگەن.
«التىن الماس ا ك» ا ق قازاقستان رەسپۋبليكاسىندا اتاقتى التىن شىعارۋشىلاردىڭ ءبىرى بولىپ تابىلادى جانە التىن كەندى نىساندارىندا جەر قويناۋىن پايدالانۋ بويىنشا وپەراتسيالاردى جۇزەگە اسىرادى. ول جامبىل وبلىسىنداعى اقباقاي ءوڭىرىنىڭ كەن ورىندارىن جانە قاراعاندى وبلىسىنداعى پۋستىننوە كەن ورنىن قامتيدى.
