الماتى كەدەنشىلەرى قىتايدان زاڭسىز كەلگەن 2,5 توننا جالعان ماركالاردى تاركىلەدى
بۇل تۋرالى قالالىق مەملەكەتتىك كىرىس دەپارتامەنتىنىڭ باسپا ءسوز قىزمەتى حابارلادى.
«المالى - كەدەندىك رەسىمدەۋ ورتالىعى» كەدەن بەكەتىنىڭ قىزمەتكەرلەرى قىتاي حالىق رەسپۋبليكاسىنان قازاقستانعا زاڭسىز ءوتىپ بارا جاتقان اكتسيزدىك ماركىلەردىڭ ءىرى پارتياسىن تاركىلەدى.
دەپارتامەنت قىزمەتكەرلەرى ق ح ر-دان كەلگەن تاۋارلاردى تەكسەرۋ بارىسىندا اۆتوكولىكتەردىڭ بىرىنەن ەسەپ - باقىلاۋ اكسيزدىك ماركىلەرى سالىنعان 50 قوراپتى تاپتى. اتالعان تاۋار كەدەندىك بەكەت ارقىلى جاسىرىن وتۋگە ءتيىس بولعان. تاۋاردىڭ جالپى سالماعى شامامەن 2,5 توننانى قۇرادى. تاۋاردا كورسەتىلگەن جازۋلار رەسەي فەدەراتسياسىنىڭ اۋماعىندا اينالىمعا تۇسەتىن الكوگولدى تاۋارلارعا ارنالعان»، - دەلىنگەن حابارلامادا.
قازىر اتالعان دەرەككە قاتىستى دەپارتامەنتتىڭ ەكونوميكالىق تەرگەۋ قىزمەتى تەكسەرۋ امالدارىن جۇرگىزۋدە. تەكسەرۋ قورىتىندىسى بويىنشا پروتسەسسۋالدى شەشىم قابىلداناتىن بولادى.
اۆتور: گۇلميرا عوسمانالي
