مارك سۋكەربەرگ 2 ساعاتتىڭ ىشىندە 4,3 ميلليارد دوللارعا بايىدى

استانا. قازاقپارات - امەريكالىق NASDAQ ەلەكتروندىق بيرجاسى اشىلعاننان كەيىن بىرنەشە ساعات ىشىندە Facebook ديرەكتورى مارك سۋكەربەرگ 4,3 ميلليارد دوللارعا بايىدى، - دەپ حابارلايدى Life.

Reuters اگەنتتىگىنىڭ مالىمەتىنشە، كومپانيانىڭ كىرىسى جونىندەگى ماۋسىمدىق ەسەپ جاريالانعاننان كەيىن قۇندى قاعازدارىنىڭ باعاسى ون پايىزعا - 120,79 ميلليارد دوللارعا دەيىن وسكەن. بۇل Facebook كومپانياسىنىڭ نارىقتاعى باعاسىنىڭ 22 ميلليارد دوللارعا وسۋىنە، سونىمەن قاتار تسۋكەربەرگتىڭ جەكە بايلىعىنىڭ ارتۋىنا اكەلدى.

Forbes باسىلىمىنىڭ مالىمەتتەرىنە سۇيەنسەك، 2016 -جىلدىڭ العاشقى ءۇش ايىندا الەۋمەتتىك جەلىدەن تۇسكەن تابىس 2015 -جىلدىڭ سايكەس كەزەڭىمەن سالىستىرعاندا ءبىر جارىم ەسەگە ارتقان. ايتا كەتەيىك، نەگىزگى كىرىس جارنامادان ءتۇسىپ وتىر.