بيىل استانادا قار جىلداعىدان 2-3 ەسە كوپ جاۋادى - ت ج د

«ماماندار مەن تەحنيكا كەز كەلگەن ساتتە توتەنشە جاعدايعا دايىن بولۋى ءتيىس. سول سەبەپتى بۇگىن وقۋ- جاتتىعۋ وتكىزىپ جاتىرمىز. جالپى توتەنشە جاعدايدا ادامدى قۇتقارۋ كەشەندى جۇمىس. ياعني قۇتقارىپ قانا قويماي، وعان مەديتسينالىق، پسيحولوگيالىق كومەك قاجەت بولۋى مۇمكىن. كوبىنەسە توتەنشە جاعدايلار تابيعي قۇبىلىس جانە اۋا رايىنا بايلانىستى تۋىندايدى. قازگيدرومەتتىڭ بولجامىنشا، بيىل ەلوردادا قار جاۋۋ مولشەرى جىلداعىدان 2-3 ەسە كوپ بولادى. وسى ورايدا قار كوپ بولعاننان كەيىن، ادامداردىڭ جولدا قالىپ قويۋ جاعدايلارى ءجيى بولىپ تۇرادى. ونداي ساتتە اداممەن قاتار كولىكتى دە قۇتقارۋ كەرەك. سوندىقتان دا تۇرعىنداردان قولايسىز اۋا رايى كەزىندە جولعا شىقپاۋىن تاعى ءبىر مارتە سۇرايمىز»، - دەدى ەلدور رايىمبەكوۆ.

ونىڭ ايتۋىنشا، اۋا رايى ەسكەرتۋىن ەلەمەي جولعا شىعىپ كەتەتىن ازاماتتار بار. بۇعان دەيىن حابارلاعانىمىزداي، ەلىمىزدە قىستىگۇنى اۋا رايىنىڭ قولايسىزدىعى مەن ەسكەرتۋگە قاراماستان جولعا شىعاتىن ازاماتتاردى اكىمشىلىك جاۋاپقا تارتۋ قارالىپ جاتىر.

اۆتور: ءالي يبرايەۆ