قازاقستان مەن ازەربايجان 2-3 جىلدا ساۋدا اينالىمىن وسىرۋگە نيەتتى
«ەڭ الدىمەن، ءسىزدىڭ ەلىڭىزگە كوپتەن كۇتكەن ساپاردى جاساۋعا شاقىرعانىڭىز ءۇشىن ۇلكەن العىسىمدى بىلدىرەمىن. ءبىز ازەربايجاندىق باۋىرلارىمىزدىڭ تاراپىنان جىلىلىق، قوناقجايلىلىق سەزىنۋدەمىز. قول قويىلاتىن بەس مەملەكەتارالىق قۇجات، سونداي- اق ۆەدومستۆوارالىق كەلىسىمدەر ازىرلەندى. ولار سوڭعى جىلدارداعى ءبىزدىڭ قاتىناسىمىزدىڭ جاڭا كەزەڭى بولىپ تابىلادى، ەكى ەل اراسىنداعى ەكونوميكالىق، قارجىلىق ىنتىماقتاستىق مالەلەرىن شەشەدى. ءبىز شىن مانىندە بارلىق ماسەلەلەردى، سونىڭ ىشىندە قول قويۋعا دايىندالعان دەكلوراتسيانى تالقىلادىق. ءبىز الداعى ەكى- ءۇش جىلدا ساۋدا اينالىمىن بىرنەشە ەسەگە جوعارىلاتۋعا مۇمكىندىكتىڭ بار ەكەندىگىن انىقتادىق»، - دەپ اتاپ ءوتتى نۇرسۇلتان نازاربايەۆ.
پرەزيدەنت، سونداي- اق، مادەنيەت سالاسىنداعى قارىم- قاتىناستى نىعايتۋدىڭ قاجەتتىلىگىن اتاپ ءوتتى.
«بىزگە جاستاردى مەملەكەتىمىزدەگى ءتيىستى ءبىلىم وردالارىنا قابىلداۋ ءۇشىن، مادەني قاتىناستى، زيالى قاۋىم وكىلدەرىنىڭ كەزدەسۋىن، مادەني كۇندەردى جاڭعىرتۋ ءۇشىن مادەني- گۋمانيتارلىق شارالاردى باستى نازارعا الۋىمىز كەرەك(...) جاقسى مۇمكىندىك بار - ول «كوپىر» - 130 مىڭ ەتنيكالىق ازەربايجاندىقتار، قازاقستاندا تۇرىپ جاتقان ازاماتتارىمىز. ءبىزدىڭ ساۋدامىزداعى جاقسى كوپىر بولىپ تابىلادى. مەن ولاردىڭ بىرىككەن كاسىپورىندار اشىپ، كاسىپكەرلىكپەن اينالىسىپ جاتقاندىعىن جانە ءبىزدىڭ قاتىناسىمىزدى جاقسارتۋعا اتسالىسىپ جاتقاندىعىن بىلەمىن»، - دەدى قازاقستان پرەزيدەنتى.
كەڭەيتىلگەن كەزدەسۋ بارىسىندا ازەربايجان پرەزيدەنتى قازاقستاندى ب ۇ ۇ قاۋىپسىزدىك كەڭەسىنە ق ر- نىڭ سايلانعاندىعىمەن قۇتتىقتادى.
«بۇل الەمدىك ىستەردەگى قازاقستان ءرولىنىڭ مويىندالعاندىعىن ءبىلدىرىپ، ءسىزدىڭ جەكە ابىرويىڭىز بەن تەك ءبىزدىڭ اۋماقتا ەمەس، سونداي- اق جەر شارىنداعى بەيبىتشىلىكتى نىعايتۋ ءۇشىن كوتەرىپ جۇرگەن باستامالارىڭىزدىڭ ارقاسى دەپ بىلەمىن»، - دەدى يلحام اليەۆ.
«ءبىزدىڭ قارىم- قاتىناسىمىزدىڭ دامىپ جاتقاندىعىنا ءدان ريزامىن، ءاردايىم بايلانىسىپ وتىرمىز. بۇگىن كوپتەگەن ماسەلەلەر توڭىرەگىندە پىكىر الماستىق. وسى پىكىر الماسۋ كورسەتكەندەي، بارلىق ماسەلەلەر بويىنشا ۇستانىمدارىمىز تولىقتاي سايكەس كەلۋدە. ساياسي ىنتىماقتاستىعىمىز بەلسەندى، ەكونوميكا، كولىك سالاسىنداعى بولاشاعىمىز جارقىن. ءبىز بۇنى كەڭىنەن تالقىلادىق جانە قازىر دەلەگاتسيا قۇرامىمەن ديسكۋسسيانى جالعاستىرامىز»، - دەدى ازەربايجان باسشىسى.
«بۇگىن قىسقا مەرزىمدە قابىلداناتىن شەشىمىمىزدىڭ ساۋدا اينالىمىن ايتارلىقتاي ۇلعايتۋعا، سونداي- اق وڭىرلىك ىنتىماقتاستىق سالاسىندا جاڭا جاعداي قۇرۋعا سەپتىگىن تيگىزەتىنىنە سەنىمدىمىن. قازاقستان دا، ازەربايجان دا ناقتى جوبالار مەن ترانسپورتتىق، ەنەرگەتيكالىق سالالار ارقىلى وڭىرلىك ىنتىماقتاستىقتى نىعايتۋعا بار كۇش- جىگەرىن جۇمساۋدا. سونىمەن قاتار، ەكى ەلدىڭ كومپانيالارى اراسىنداعى ءوزارا ينۆەستيتسيالىق قاتىناستاردىڭ باستالىپ، جاقسى ناتيجە بەرىپ جاتقاندىعى مەنى قۋانتتى. ءسىزدىڭ ساپارىڭىز مەن قابىلداناتىن شەشىمدەر ينۆەستيتسيا كولەمىن ارتتىرۋ ارقىلى جەكە سەكتوردى دا ىنتالاندىرادى دەپ ۇمىتتەنەمىن»، - دەپ اتاپ ءوتتى يلحام اليەۆ.
