بەيجىڭدە قۇنى 2,3 ميلليارد دوللار بولاتىن قازاقستان- قىتاي جوباسى تالقىلاندى - فوتو

بەيجىڭ. قازاقپارات - 14 -اقپان كۇنى ق ر قىتايداعى توتەنشە جانە وكىلەتتى ەلشىسى شاحرات نۇرىشەۆ «AVIC Securities» كومپانياسىنىڭ باس ەكونوميسى شيۋ ۆەيحۋنمەن جانە «ءوندىرىستى ينۆەستيتسيالاۋ مەن نەسيەلەندىرۋ جونىندەگى قازاقستان- قىتاي قورىنىڭ» گونكونگتىك، شينجياندىق قۇرىلتايشىلارىمەن كەزدەستى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

تاراپتار مەملەكەت باسشىسىنىڭ جولداۋىنداعى قىتايمەن بىرلەسىپ قازاقستاندا ءوندىرىس اشۋ بويىنشا ينۆەستيتسيالىق جوبانى جۇزەگە اسىرۋدىڭ ماڭىزدىلىعىن اتاپ ءوتتى. وسى اڭگىمە اياسىندا «جامبىل وبلىسى ايماعىندا تاۋلى، - حيميا- مەتالۋرگيالىق كەشەننىڭ قۇرىلىسى مەن «پاۆلودار» ەركىن ەكونوميكالىق ايماعى» جوباسىن جۇزەگە اسىرۋ ماسەلەسى ءسوز بولدى.

شيۋ ۆەيحۋن ۇلتتىق ۆاليۋتالارمەن (تەڭگە- يۋان) ەسەپتەسۋ تەتىگى مەن شاڭحاي جانە قازاقستان بيرجالارىنىڭ الەۋەتىن پايدالانۋدىڭ اسا قاجەتتىلىگىن اتاپ ءوتتى.

ءوز كەزەگىندە نۇرىشەۆ اتالعان جوبانىڭ قازاقستان مەن قىتاي اراسىنداعى يننوۆاتسيالىق تەحنولوگيالاردى مەڭگەرۋ، قازاقستاننىڭ ەكولوگيالىق تالاپتارىنا جاۋاپ بەرەتىن جاڭا وندىرىستەردى اشۋ باعىتتارى بويىنشا ءوزارا ءتيىمدى ىنتىماقتاستىقتىڭ ۇلگىسى بولۋى مۇمكىندىگىن اتاپ ءوتتى.

ايتا كەتەيىك، جوبانىڭ قۇنى 2,3 ميلليارد دوللاردى قۇرايدى. سەرىكتەس رەتىندە قىتاي تاراپىنان China Metallurgical Group Corporation, China Machinery Engineering Corporation جانە AVIC corporation كومپانيالارى شىعىپ وتىر. ق  ح ر - نا ۇشاق وندىرىسىندە قولدانىلاتىن تيتان ديوكسيدىن، كرەمني ديوكسيدىن، ۆانادي پەنتووكسيدىن ەكسپورتتاۋ جوسپارلانىپ وتىر. جوبا 1100 ادامدى جۇمىسپەن قامتيدى دەپ كۇتىلۋدە. ءوندىرىس يننوۆاتسيالىق، شىعىنى تومەن، ەكولوگيالىق جاعىنان تازا ونىمدەر ارقىلى جۇزەگە اسىرىلادى.