جول اپاتىنا سەبەپكەر بولعان سيىردىڭ يەسى 2,3 ميلليون تەڭگە تولەيدى
سوت وتىرىسىندا ارىزدانۋشى «ومبى- مايقاپشاعاي» كۇرە جولىندا جولدىڭ كولىك جۇرەتىن بولىگىنە اياق استىنان شىعا كەلگەن سيىردى باسىپ كەتكەنىن، سونىڭ سالدارىنان ونىڭ «تويوتا كوروللا» ماركالى كولىگى بۇلىنگەنىن ءتۇسىندىردى. ارىز بەرۋشى سيىر يەسىنە ماتەريالدىق شىعىن، وكىلدىكتىك ماقساتتارعا جۇمسالعان اقشا جانە سوت شىعىندارىن تولەتۋدى سۇرادى.
جاۋاپ بەرۋشى سوت وتىرىسىنا كەلگەن جوق. سوت قولىندا ونىڭ كەلمەۋىنە دالەلدى سەبەپتەرى تۋرالى مالىمەتتەر بولماعاندىقتان ءىستى ونىڭ قاتىسۋىنسىز قاراستىرۋدى مۇمكىن دەپ تانىدى.
سوت شەشىمى بويىنشا، ازامات ت- نىڭ سيىردىڭ يەسىنە شىعىندى وتەۋ تۋرالى ارىز تالاپتارى تولىق كولەمدە قاناعاتتاندىرىلدى. جاۋاپ بەرۋشىدەن جالپى سوماسى 2391153 تەڭگە كولەمىندە ماتەريالدىق شىعىن، وكىلدىكتىك ماقساتتارعا جۇمسالعان اقشا جانە سوت شىعىندارى الىندى. سوت شەشىمى زاڭدى كۇشىنە ەنگەن جوق.
