الماتىدا اۆتوبۋس جۇرگىزۋشىلەرىنىڭ كىناسىنەن 2 ادام كوز جۇمىپ، 38 ءى جاراقات الدى
الماتى قالاسىندا 21- اقپان مەن 2- ناۋرىز ارالىعىندا «اۆتوبۋس» جەدەل-الدىن الۋ ءىس-شاراسى ءوتتى.
قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى نۇرلان امانبەكتىڭ سوزىنشە، جول قوزعالىسى ەرەجەلەرىن ورەسكەل بۇزۋدى توقتاتۋ بويىنشا جۇمىس كۇشەيتىلدى.
سونىڭ ىشىندە، كولىكتى ماس كۇيىندە جانە بەلگىلەنگەن جىلدامدىقتان اسىرا ايداۋ، سونداي-اق ەرەجەلەردى بۇزۋ: باسىپ وزۋ، مانيەۆر جاساۋ، جول قيىلىستارى مەن جاياۋ جۇرگىنشىلەر وتكەلدەرى ارقىلى ءجۇرۋ، قارسى باعىتقا شىعۋ.
جولاۋشىلار كولىگى جۇرگىزۋشىلەرىنىڭ جول قوزعالىسى ەرەجەلەرىن بۇزۋ دەرەكتەرى، اكىمشىلىك زاڭناماعا سايكەس جاۋاپكەرشىلىككە تارتۋ ءۇشىن فوتو جانە بەينە تەحنيكالىق قۇرالداردى قولدانۋ ارقىلى تىركەلەدى.
«قابىلدانعان شارالارعا قاراماستان، اۆتوبۋس جۇرگىزۋشىلەرى قازاقستان رەسپۋبليكاسىنىڭ جول قوزعالىسى ەرەجەلەرىن بۇزۋعا، سونىڭ ىشىندە ادام ولىمىنە اكەپ سوقتىراتىن جول-كولىك وقيعالارىنا جول بەرىپ وتىر. 2022-جىلدىڭ ءبىر اي 20 كۇنىندە قوعامدىق كولىك جۇرگىزۋشىلەرى 35 جول- كولىك وقيعاسىن جاساپ، سونىڭ سالدارىنان ەكى ادام كوز جۇمدى، تاعى 38 ادام جاراقات الدى»، - دەيدى پوليتسيا وكىلى.
نۇرلان امانبەكتىڭ ايتۋىنشا، اكسيا اياسىندا جولاۋشىلار كولىگى ۇيىمدارىنىڭ باسشىلارىمەن، جولاۋشىلار كولىگىندەگى جول قاۋىپسىزدىگى ماسەلەلەرى بويىنشا مۇددەلى قىزمەتتەرمەن ءبىرقاتار كەزدەسۋلەر وتكىزىلدى.
«سونىمەن قاتار، كولىكتىك باقىلاۋ ينسپەكتسياسى مەن جول قاۋىپسىزدىگى ينجەنەرلەرىن تارتا وتىرىپ، كولىك قۇرالدارىنىڭ تەحنيكالىق جاي-كۇيىن باقىلاۋ، اۆتوبۋستاردىڭ كاسىپورىنداردان، اۆتوۆوكزالداردان، وزدىگىنەن جۇرەتىن اۆتوتۇراقتاردان شىققاندا جول الدىنداعى تەحنيكالىق جانە مەديتسينالىق تەكسەرۋدەن ءوتۋى جانە ت. ب. ۇيىمداستىرىلدى.
زاڭسىز جابدىقتالعان اۆتوبۋستاردى، سونداي-اق تەحنيكالىق جاعدايى مەن كونسترۋكسياسى قوزعالىس قاۋىپسىزدىگىنىڭ بەلگىلەنگەن تالاپتارىنا سايكەس كەلمەيتىن اۆتوبۋستاردى (تاكسيلەردى) پايدالانۋعا تىيىم سالۋ، كىنالىلەردى، ونىڭ ىشىندە وسىنداي كولىكتەردى جەلىگە شىعارعان لاۋازىمدى تۇلعالاردى اكىمشىلىك جاۋاپقا تارتۋ تۋرالى شەشىم شىعارىلدى»، - دەدى ول.
