مايكل دجورداننىڭ كروسسوۆكاسى رەكوردتىق 2,2 ميلليون دوللارعا ساتىلدى

استانا. قازاقپارات - اتى اڭىزعا اينالعان باسكەتبولشى مايكل دجورداننىڭ كروسسوۆكاسى رەكوردتىق 2,2 ميلليون دوللارعا ساتىلدى، دەپ حابارلايدى قازاقپارات BBC- گە سىلتەمە جاساپ.

Air Jordan 13 كروسسوۆكاسى مايكل دجورداننىڭ بۇرىن- سوڭدى اۋكسيونعا شىعارىلعان ەڭ قىمبات زاتتارىنىڭ ءبىرى بولدى. Sotheby’s اۋكسيون ءۇيى ونى 2 ميلليوننان 4 ميلليون دوللارعا دەيىن باعالادى.

اتالعان ساۋدادان كەيىن دجوردان ەڭ قىمبات سپورتشى اتاعىندا قالىپ وتىر. ونىڭ 1998-جىلى ۇ ب ا فينالىندا كيگەن مايكاسى بىلتىر 10,1 ميلليون دوللارعا ساتىلعان بولاتىن.

2021 -جىلى دجوردان كيگەن Nike Air Ships كروسسوۆكاسى اۋكتسيوندا 1,47 ملن دوللارعا ساتىلعان ەدى.

ال سەيسەنبى كۇنى ساتىلعان Air Jordan 13- ءتى باسكەتبول جۇلدىزى 1997/98 -جىلعى ماۋسىمدا «چيكاگو بۋللز» - بەن وتكىزگەن سوڭعى چەمپيوناتىندا كيگەن. Sotheby's اۋكسيون ءۇيىنىڭ حابارلاۋىنشا، دجوردان بۇل كروسسوۆكانى جوعالعان كۇرتەشەسىن تاۋىپ بەرگەن دوپ بەرۋشى قىزمەتكەرگە كيىنۋ بولمەسىندە سىيعا تارتقان.