قازاقستان بىرىككەن اراب امىرلىكتەرىمەن 2,2 ميلليارد دوللارعا ينۆەستيتسيالىق كەلىسىم جاسادى
جانە بىرىككەن اراب امىرلىكتەرىنىڭ پرەمەر- ءمينيسترىنىڭ ورىنباسارى، پرەزيدەنت ىستەرى جونىندەگى ءمينيسترى شەيح مانسۇر بەن زايد ءال ناحايانمەن كەلىسسوز جۇرگىزدى.
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
تاراپتار وسىعان دەيىن قول جەتكىزىلگەن ۋاعدالاستىقتاردى ىسكە اسىرۋ بارىسىن جانە ساۋدا- ەكونوميكالىق، قارجى- ينۆەستيتسيالىق، كولىك- لوگيستيكا، اگروونەركاسىپ، تۋريزم، عارىش، تاۋ- كەن مەتاللۋرگياسى، ەنەرگەتيكا جانە باسقا دا سالالارداعى ەكىجاقتى ىنتىماقتاستىق پەرسپەكتيۆالارىن تالقىلادى. سونداي- اق ۇكىمەت باسشىسى ب ا ءا بيزنەس كاپيتاندارى مەن كومپانيالار باسشىلىعىمەن كەزدەستى.
كەلىسسوزدەر قورىتىندىسى بويىنشا ق ر مەن ب ا ءا اراسىندا قۇس فابريكالارى مەن ءسۇت- تاۋار فەرمالارىن سالۋ، جەمىستەر مەن ساڭىراۋقۇلاقتاردى ءوندىرۋ جانە وڭدەۋ، ت م ك جانە گەولوگيالىق بارلاۋ سالالارىنداعى ىنتىماقتاستىق، ەكى باستۇز قالاسىنىڭ ونەركاسىپتىك ايماعىندا يندۋستريالىق پارك قۇرۋ، شىعىس قازاقستان وبلىسىندا «قاتونقاراعاي» تۋريستىك كەشەنىن قۇرۋ، سونداي- اق قازاقستاندا ەلەكتروموبيلدەر كومپونەنتتەرى ءوندىرىسىن اشۋ بويىنشا بىرلەسكەن جوبالاردى ىسكە اسىرۋ جونىندە 17 ۇكىمەتارالىق جانە كوممەرتسيالىق كەلىسىمگە قول قويىلدى.
ب ا ءا قاراعاندى وبلىسىندا سۋمەن جابدىقتاۋ جانە سۋ بۇرۋ بويىنشا جوبالاردى ىسكە اسىرۋعا قاتىسادى، بۇل جوبالار وزىق تەحنولوگيالاردى بەرۋدى جانە كەيىننەن قازاقستاندا ءوندىرىستى جەرگىلىكتەندىرۋدى كوزدەيدى.
كورسەتىلگەن جوبالار بويىنشا ق ر ەكونوميكاسىنا ينۆەستيتسيالاردىڭ جالپى سوماسى شامامەن $2,2 ميلليارد قۇرايدى. ينۆەستيتسيالىق جوبالار قوسىلعان قۇنى مەن رەنتابەلدىلىگى جوعارى، سونداي- اق ىشكى جانە پەرسپەكتيۆالى سىرتقى نارىقتاردا سۇرانىستىڭ ۇلكەن الەۋەتى بار جاڭا وندىرىستەردى قۇرۋدى كوزدەيدى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا، وزىق تەحنولوگيالار مەن ءىس- تاجىريبەنى ەنگىزۋگە مۇمكىندىك بەرەدى.
جۇمىس ساپارىنا ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى – ا ح ق و باسقارۋشىسى قايرات كەلىمبەتوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، اۋىل شارۋاشىلىعى ءمينيسترى ساپارحان وماروۆ، ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ، ادىلەت ءمينيسترى مارات بەكەتايەۆ، شىعىس قازاقستان وبلىسىنىڭ اكىمى دانيال احمەتوۆ، قاراعاندى وبلىسىنىڭ اكىمى جەڭىس قاسىمبەك، «بايتەرەك» ۇ ب ح» ا ق باسقارما ءتوراعاسى ايدار ءارىپحانوۆ، ق ر ىسكەر توپتارىنىڭ وكىلدەرى جانە ت. ب. قاتىستى.