قازاقستاندا زەينەتكەرلەر سانى 2 ميلليون 246 مىڭنان استى

None
None
نۇر- سۇلتان. قازاقپارات – 1- ماۋسىمداعى جاعداي بويىنشا قازاقستاندىقتارعا 1,2 تريلليون تەڭگەدەن استام زەينەتاقى تولەندى.

بيىل مامىردا رەسپۋبليكالىق بيۋدجەتتەن زەينەتاقى تولەمدەرىنە 235,4 ملرد تەڭگەدەن استام، ونىڭ ىشىندە بازالىق زەينەتاقىنى تولەۋگە - 71,3 ميلليارد تەڭگە، ىنتىماقتى زەينەتاقىعا - 163,2 ميلليارد تەڭگە ءبولىندى، دەپ حابارلايدى قازاقپارات.

ەلىمىزدە زەينەتكەرلەر سانى 2 ميلليون 246 مىڭنان استى. 1- ماۋسىمداعى جاعداي بويىنشا زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن ەسكەرە وتىرىپ) 105189 تەڭگە بولدى. 2018 -جىلعى 1- شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىندەگى ءوتىلىن ەسكەرە وتىرىپ، ءار الۋشىعا جەكە تاعايىندالاتىنىن ەسكە سالامىز. بۇل رەتتە 1998 -جىلعى 1- قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي- اق مىندەتتى زەينەتاقى جارناسى تولەنگەن كەزەڭدەر زەينەتاقى جۇيەسىندەگى ەڭبەك وتىلىنە قوسىلادى.

ەگەر ازاماتتىڭ زەينەتاقى جۇيەسىندەگى ءوتىلى 10 جىل نەمەسە ودان از بولسا، سونداي- اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ % 54- ىن قۇرايدى، سودان كەيىن 10 جىلدان اسقان ءار جىل ءۇشىن ونىڭ مولشەرى % 2 ارتادى.

مىسالى، ەگەر ءسىزدىڭ ءوتىلىڭىز 20 جىل بولسا، بازالىق زەينەتاقى تومەنگى كۇنكورىس دەڭگەيىنىڭ % 74- ىن، ال 30 جىل بولسا، وندا % 94- ىن قۇرايدى. ەڭبەك ءوتىلى 33 جىل نەمەسە ودان كوپ بولسا، كۇنكورىس دەڭگەيىنىڭ ەڭ جوعارعى مولشەرىندە بەلگىلەنەدى. ەگەر ءبىر اي ىشىندە مىندەتتى زەينەتاقى جارنالارى ءبىرىڭعاي جيناقتاۋشى زەينەتاقى قورىنا بىرنەشە رەت اۋدارىلسا، جيناقتاۋشى جۇيەگە قاتىسۋ مەرزىمى ءبىر ايدى قۇرايدى.

وسىلايشا مىندەتتى زەينەتاقى جارناسى نەعۇرلىم تۇراقتى جانە تولىق كولەمدە اۋدارىلاتىن بولسا، زەينەت جاسىنا جەتكەندە بازالىق زەينەتاقى تولەمى سوعۇرلىم كوپ بولادى. ءوز كەزەگىندە ازاماتتىڭ جاسىنا بايلانىستى زەينەتاقى تولەمدەرىنىڭ مولشەرى 1998 -جىلعى 1- قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكە دەيىنگى كەزەڭدەگى ورتاشا ايلىق تابىسىنا بايلانىستى بولادى.


سوڭعى جاڭالىقتار