جەمقورلىق تۋرالى حابارلاعاندارعا 2,1 ميلليون تەڭگە سىياقى بەرىلدى
اقمولا وبلىس بويىنشا سىبايلاس جەمقورلىققا قارسى قىزمەتى باسپا ءسوز قىزمەتىنىڭ مالىمەتىنشە، جەمقورلىقپەن كۇرەسكە جاردەم كورسەتكەن ازاماتتار كوتەرمەلەنىپ قانا قويماي، مەملەكەتتىڭ قورعاۋىندا بولادى.
«2022 -جىلى سىبايلاس جەمقورلىق قۇقىق بۇزۋشىلىقتار تۋرالى حابارلاعان 13 ادام 2,1 ميلليون تەڭگە سىياقى الدى. سونىمەن قاتار وزىنە پارا بەرۋ ارەكەتى تۋرالى تىكەلەي باسشىلىعىنا ۋاقتىلى بايانداعان پوليتسيا قىزمەتكەرى گراموتامەن ماراپاتتالدى. جالپى، اقمولا وبلىسىندا 2016 -جىلدان بەرى سىبايلاس جەمقورلىق دەرەكتەرى تۋرالى حابارلاعان 58 ادامعا بارلىعى 8,8 ميلليون تەڭگەدەن استام سىياقى بەرىلدى»، - دەدى ۆەدومستۆودان.
ايتا كەتەيىك، پارا نەمەسە كەلتىرىلگەن زالال سوماسى نەمەسە ۇسىنىلعان جەڭىلدىكتەردىڭ نە بولماسا كورسەتىلگەن قىزمەتتەردىڭ قۇنى 1000 ا ە ك -تەن (3450000 ت گ) اسپايتىن سىبايلاس جەمقورلىق قىلمىستار بويىنشا سىياقى سوماسى قىلمىستىڭ اۋىرلىعىنا بايلانىستى 30 دان 100 ا ە ك- كە دەيىن بارادى. كورسەتىلگەن سومادان ارتىق - سىياقى 10 پايىزدى قۇرايدى، ءبىراق 4 مىڭ ا ە ك-تەن اسپايدى (13800000 ت گ).