قىتايداعى قانداسىمىز قارسىلاسىن 2 مينۋت 19 سەكۋندتا سۇلاتىپ تاستادى

استانا. قازاقپارات - قىتايدا تۇراتىن قانداسىمىز جۇمابەك تۇرسىن ۇلى MMA ءتۇرى بويىنشا «كۇنلۇن» سايىسىنداعى تۇڭعىش جارىسىنا قاتىسىپ، جەڭىسكە جەتتى، دەپ حابارلايدى قازاقپارات ءتىلشىسى.

قانداسىمىز وسىعان دەيىن UFC سايىستارىندا 23 جەكپە-جەك وتكىزىپ، ونىڭ 18 ىندە جەڭىسكە جەتىپ، 1 رەت قارسىلاسىمەن تەڭ تۇسسە، 4 رەت ۇتىلىپ قالعان بولاتىن.

ال جەلتوقساننىڭ 15 ءى كۇنى MMA بويىنشا «كۇنلۇن» سايىسىندا تۇڭعىش رەت باق سىناپ، بۇل سايىس ءتۇرى بويىنشا العاشقى جەڭىسىنە قول جەتكىزدى. ول جەكپە-جەك كەشىندە گرۋزيادان كەلگەن پااتا روباكيدزەنى قاپى قالدىردى. جەكپە-جەك نەبارى 2 مينۋت 19 سەكۋندقا سوزىلدى. قازاق باتىرىنىڭ بۇيىردەن تەپكەن جويقىن سوققىسى قارسىلاسىن ەسىنەن تاندىرىپ، جارىس جولىنان شىعاردى.

اۆتور: كۇنسۇلتان وتارباي