قازاقستاندا الداعى 2 جىلدا ستۋدەنتتەرگە ارنالعان 15 جاتاقحانا سالىنادى
قوستاناي وبلىسىنىڭ وزىندە 50 مىڭنان استام ستۋدەنت بار. ءبىلىم ىزدەگەن جاستاردى تولعاندىرار ءبىرىنشى ماسەلە - وسى جاتاقحانا جايى. ءبىلىم، عىلىم سالاسىندا دا شەشىمىن كۇتكەن ماسەلەلەر از ەمەس. جاس عالىمدارعا قويىلار تالاپ كۇشەيىپ، عىلىمي اتاق الۋ قيىنداعان.
ءمينيستردىڭ ورىنباسارى ماسەلەلەردىڭ بىرتىندەپ شەشىلىپ كەلە جاتقانىن باياندادى. ول زامان تالابىنا ساي ماماندار دايارلاۋ ماسەلەسى دە مەملەكەتتىڭ باستى نازارىندا ەكەنىن ايتىپ ءوتتى.
«مەملەكەت «ۇدەمەلى يندۋستريالدى-يننوۆاتسيالىق دامۋ» باعدارلاماسى بويىنشا ماماندار دايىنداۋعا بۇگىنگى تاڭدا ۇلكەن كوڭىل ءبولىپ وتىر. رەسپۋبليكانىڭ 10 جوعارى وقۋ ورىندارىنىڭ كوللەجىندە وسى مامانداردى دايىندايتىن بولادى. وعان جاڭا باعدارلاما جاساۋ، ماتەريالدىق بازا، مۇعالىمدەردى دايارلاۋ تۋرالى ۇلكەن ماسەلەلەر شەشىلىپ جاتىر»، دەيدى ق ر ءبىلىم جانە عىلىم ءمينيسترىنىڭ ورىنباسارى تاكير بالىقبايەۆ.
