سولتۇستىك قازاقستاندا 2 كۇندە تەلەفون الاياقتىعىنىڭ 13 فاكتىسى تىركەلدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تەلەفون الاياقتارى اسىرەسە 8 -جانە 9 -مامىردا بەلسەندىلىك تانىتقان، ءدال وسى كۇندەرى ءبىر ءتاسىل بويىنشا الداۋدىڭ 13 فاكتىسى تىركەلدى.
الاياقتار جابىرلەنۋشىلەرگە وزدەرىن پوليسيا نەمەسە مەديتسينا قىزمەتكەرى رەتىندە تانىستىرادى جانە ولاردىڭ بالالارى نەمەسە نەمەرەلەرى جول- كولىك وقيعاسىنا ءتۇستى نەمەسە زارداپ شەكتى دەپ حابارلايدى. بولجام بويىنشا، «جابىرلەنۋشىمەن ماسەلەنى شەشۋ» ءۇشىن بەلگىلى ءبىر سومادا اقشا سۇرايدى. تاعى ءبىر نۇسقاسى — ەمدەۋگە شۇعىل اقشانىڭ قاجەت بولۋى.
كوبىنەسە الاياقتار تولقىپ تۇرعان داۋىسپەن كومەك سۇرايتىن ءۇشىنشى ادامعا قىسقا ۋاقىتقا تەلەفون تۇتقاسىن ۇستاتادى. ادەتتە كۇتپەگەن جاعدايدا جانە پسيحولوگيالىق قىسىم العان ادام تۇتقانىڭ ار جاعىنداعى داۋىس تۋىسىنىكى دەپ قابىلدايدى جانە قاجەتتى اقشانى بەرۋگە كەلىسەدى. سوما ميلليون تەڭگەگە دەيىن جەتۋى مۇمكىن.
«قازىرگى سيفرلىق الەمدە الاياقتار ءۇشىن ادامداردىڭ دەربەس دەرەكتەرىن الۋ قيىن ەمەس. ەگەر جاقىن ادامىڭىزدىڭ اتىن ەستىسەڭىز، تەلەفونداعى داۋىس ۇقساس بولىپ كورىنسە دە، شەشىم قابىلداۋعا اسىقپاڭىز. وعان جەكە قوڭىراۋ شالىڭىز. ەگەر بۇل مۇمكىن بولماسا، اقپاراتتى قايتا تەكسەرىڭىز. پوليسيا قىزمەتكەرلەرىنەن ولاردىڭ اتى- ءجونىن جانە بولىمشەنىڭ اتىن سۇراۋدى ۇمىتپاڭىز. سودان كەيىن پوليسياعا قوڭىراۋ شالىڭىز جانە مۇنداي قىزمەتكەردىڭ جۇمىس ىستەيتىنىن، اپات نەمەسە قوڭىراۋ شالۋشى ايتقان باسقا وقيعا تۋرالى اقپاراتتى تەكسەرىڭىز»، - دەيدى س ق و پد باستىعىنىڭ ورىنباسارى رۋسلان نازاروۆ.
بۇعان دەيىن س ق و- نىڭ ءۇش تۇرعىنى الاياقتارعا الدانىپ، 9 ميلليون تەڭگەسىنەن ايىرىلعانىن ايتقان ەدىك.
