بيىلعى 1-شىلدەدەن قىزمەتتەرىنە كىرىسكەن الەۋمەتتىك ينسپەكتورلار قانداي شارۋالار اتقاردى
الەۋمەتتىك ينسپەكتورلار 62 تەكسەرۋ جۇرگىزدى، ونىڭ 45 ى جوسپاردان تىس جانە 17 ى پروفيلاكتيكالىق باقىلاۋ شەڭبەرىندە، دەپ حابارلايدى قازاقپارات.
مەملەكەتتىك باقىلاۋمەن: 13 مەكتەپ، جەرگىلىكتى اتقارۋشى ورگانداردىڭ 8 اۋداندىق ءبولىمى جانە جەرگىلىكتى اتقارۋشى ورگانداردىڭ وبلىستىق باسقارمالارى، 8 اكىمدىك، 7 دۇكەن، 4 ساۋدا ورتالىعى، 3 مەديتسينالىق- الەۋمەتتىك مەكەمە، 3 اۋرۋحانا، 2 بانك بولىمشەسى، 3 قازپوشتا بولىمشەسى، 1 فيتنەس- كلۋب، 1 ساناتوري، 1 ۋنيۆەرسيتەت جانە ت. ب. قامتىلدى.
«ماسەلەن، جەتىسۋ وبلىسى بويىنشا ەڭبەك جانە الەۋمەتتىك قورعاۋ كوميتەتىنىڭ دەپارتامەنتى «داۋلەت»، «سۋم»، «گۋم»، «ماكتۋب»، «شولپان» ساۋدا ۇيلەرىندە، سونداي-اق «اسىل قازىنا» كىتاپ دۇكەنىندە جوسپاردان تىس تەكسەرۋ جۇرگىزدى. تەكسەرۋ ناتيجەلەرى بويىنشا وبەكتىلەردىڭ مەنشىك يەلەرىنە انىقتالعان بۇزۋشىلىقتاردى جويۋ تۋرالى ۇيعارىمدار بەرىلدى جانە ولارعا قاتىستى اكىمشىلىك جاۋاپكەرشىلىك شارالارى قابىلداندى»، - دەپ جازدى ەڭبەك جانە حالىقتى الەۋمەتتىك قورعاۋ مينيسترلىگىنەن.
پاۆلودار وبلىسى بويىنشا ەڭبەك جانە الەۋمەتتىك قورعاۋ كوميتەتىنىڭ دەپارتامەنتى قالا تۇرعىنىنىڭ ءوتىنىشى نەگىزىندە «اللا» دۇكەنىن، «دۋدكينا گالينا يۆانوۆنا» ج ك جوسپاردان تىس تەكسەرۋ ۇيىمداستىردى.
تەكسەرۋ ناتيجەسى بويىنشا جەكە كاسىپكەرگە انىقتالعان بۇزۋشىلىقتاردى جويۋ تۋرالى نۇسقاما بەرىلىپ، اكىمشىلىك جاۋاپكەرشىلىككە تارتىلدى.
سونىمەن قاتار، مەملەكەتتىك الەۋمەتتىك ينسپەكتورلار ينستيتۋتى ەنگىزىلگەنگە دەيىن ق ر ە ح ا ق م ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرى 2023 -جىلدىڭ 1 جارتىجىلدىعىندا 750 تەكسەرۋ جۇرگىزدى، انىقتالعان بۇزۋشىلىقتاردى جويۋ تۋرالى 533 ۇيعارىم بەرىلىپ، 44 ميلليون تەڭگەدەن استام سوماعا 233-ايىپپۇل سالىندى.
2023 -جىلدىڭ 1-شىلدەسىنەن باستاپ الەۋمەتتىك ينسپەكتورلاردى ەنگىزۋ حالىقتىڭ الەۋمەتتىك وسال ساناتتارىنىڭ قۇقىقتارىن ۋاقتىلى قورعاپ قانا قويماي، مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋعا دا ىقپال ەتپەك.
