استانادا 1-سىنىپقا باراتىن بالالار ءۇشىن دايارلىق كۋرسى وتەدى

استانا. قازاقپارات - استانا قالاسىنىڭ مەملەكەتتىك مەكتەپتەرى بيىل 1-سىنىپقا باراتىن بۇلدىرشىندەرى ءۇشىن 1-25-تامىز ارالىعىندا «بالاقايلار مەكتەبى» قىسقامەرزىمدى دايارلىق كۋرسىن وتكىزەدى.

قازاقپارات بۇل تۋرالى ءبىلىم باسقارماسىنا سىلتەمە جاساپ حابارلايدى.

«استانا قالاسىنىڭ ادىستەمەلىك ورتالىعى ۇلتتىق قۇندىلىقتارعا نەگىزدەلگەن «بالاقايلار مەكتەبى» مەكتەپالدى دايارلىقتىڭ قىسقا مەرزىمدى كۋرستارىن ۇيىمداستىرۋ بويىنشا ادىستەمەلىك ۇسىنىمدار» مەن وقۋ جوسپارىن ازىرلەپ، ءبىلىم بەرۋ ۇيىمدارىنا ادىستەمەلىك قولداۋ كورسەتتى. ورتالىق ادىسكەرلەرى «بالاقايلار مەكتەبى» پەداگوگتەرىنە كۋرستاردى جۇرگىزۋ ادىستەمەسى بويىنشا ءتۇسىندىرۋ جۇمىستارىن جۇرگىزەتىن بولادى»، - دەلىنگەن حابارلامادا.

ەسكە سالايىق، بالانى 1-سىنىپقا قابىلداۋ تۋرالى ءوتىنىش 1-تامىزعا دەيىن قابىلدانادى. 15-ماۋسىمداعى جاعداي بويىنشا ەل وڭىرلەرىندە 250 مىڭ اتا-انادان ءوتىنىش قابىلدانعان.