فرانسيادا 1- مامىر شەرۋىنە جۇزدەگەن مىڭ ادام شىقتى
100 دەن استام پوليتسيا مەن جاندارم فرانسياداعى زەينەتاقى رەفورماسىنا قارسى ەڭبەك كۇنىنە ارنالعان نارازىلىق اكسيالارىندا جاراقات الدى.
ىشكى ىستەر ءمينيسترى جەرالد دارمانەننىڭ ايتۋىنشا، پاريجدە 20 ءتارتىپ ساقشىسى جارالانعان. بۇكىل ەل بويىنشا 300 گە جۋىق دەمونسترانت ۇستالدى.
ءى ءى م كەلتىرگەن مالىمەت بويىنشا، فرانسياداعى شەرۋلەرگە بارلىعى 800 مىڭعا جۋىق ادام قاتىسقان. ۇيىمداستىرۋشىلار ودان الدەقايدا كوپ - 2 ميلليوننان استام دەپ ەسەپتەيدى جانە بۇكىلحالىقتىق نارازىلىق اكسياسى دەپ اتادى.
زەينەتكەرلىك جاستى 62 دەن 64 كە دەيىن ۇلعايتىپ، ءبىرقاتار ارنايى زەينەتاقى رەجيمدەرىن الىپ تاستايتىن زەينەتاقى رەفورماسى تۋرالى زاڭ كۇزدە كۇشىنە ەنەدى دەپ كۇتىلۋدە.
ۇكىمەتتىڭ داۋىسقا سالماي كوتەرگەن باستاماسى بۇكىل ەلدە نارازىلىق پەن ەرەۋىل تۋدىردى.
«ءبىز كەلىسپەيتىنىمىزدى ايتا بەرەمىز، قايتالاي بەرەمىز»، - دەدى دەمونسترانتتاردىڭ ءبىرى.
«زەينەتكەرلىككە شىققانشا بەرىلمەيمىن!» - دەدى تاعى ءبىر پاريج تۇرعىنى.
«بۇل شىنىمەن حالىق قولداماعان رەفورما جانە ونى كۇشتەپ ەنگىزدى. بۇل دەموكراتيا مەن فرانسۋز حالقىن قورلاۋ. بارلىعى ۇكىمەتتىڭ بىزگە قولداناتىن شەتتەتۋىنەن جالىقتى»، - دەپ ايتتى باسقا دەمونسترانتتار.
كاسىپوداقتار 1- مامىرداعى نارازىلىق شەرۋلەرىن تاريحي دەپ اتادى جانە حالىقتىڭ اشۋى ساياسي بيلىككە دەگەن سەنىمنىڭ جوقتىعىن كورسەتەتىن زەينەتاقى رەفورماسىنان اسىپ تۇسەدى دەپ مالىمدەيدى.
