ۇكىمەت استانا كۇنىنە وراي 1- شىلدە سەنبى كۇنگى دەمالىستى باسقا كۇنگە اۋىستىردى

استانا. قازاقپارات – ق ر ۇكىمەتى ەلوردا كۇنىنە وراي دەمالىس كۇنىن اۋىستىرۋ تۋرالى قاۋلى قابىلدادى، دەپ حابارلايدى قازاقپارات.

جۇمىس ۋاقىتىن ۇتىمدى پايدالانۋ ماقساتىندا 2023-جىلعى 1- شىلدە، سەنبىدەگى دەمالىس كۇنى 7- شىلدەگە، جۇما كۇنىنە اۋىستىرىلدى.

ق ر ۇكىمەتى ءتيىستى قاۋلى قابىلدادى.

وسىلايشا، بەس كۇندىك جۇمىس اپتاسىندا قازاقستاندىقتار 2023-جىلى استانا كۇنىنە 6، 7، 8 جانە 9- شىلدەدە، ياعني ءتورت كۇن قاتارىنان دەمالادى.

سەنبى، 1- شىلدە جۇمىس كۇنى بولادى.

دەمالىس كۇنىن اۋىستىرۋ جۇمىس ىستەيتىن قازاقستاندىقتار ءۇشىن مەرەكە كۇندەرى ۋاقىتتارىن الدىن الا جوسپارلاۋعا مۇمكىندىك بەرەدى.