الماتىدا 1-مامىر مەرەكەسى قالاي تويلانادى
كونسەرت «جاسstars» توبىنىڭ جانە «سالتانات» بي انسامبلىنىڭ ورىنداۋىنداعى «قازاقستان - دوستىق بەسىگى» ۆوكالدىق-بي كومپوزيتسياسىمەن اشىلادى. ەربولات قۇدايبەرگەنوۆ، رۇستەم نۇرجىگىت، دانيار وتەگەن، ءمادي رىمبايەۆ، ديلناز جانە ديلشات احماديەۆتەر، تورەعالي تورەالى، ديدار قادەن، AldaSpan توبى جانە تاعى باسقالارى ونەر كورسەتەدى دەپ جوسپارلانۋدا.
الماتى - شانحاي ىنتىماقتاستىعى ۇيىمىنىڭ 2023-2024 -جىلدارداعى مادەني جانە تۋريستىك استاناسى. وسىعان وراي، حالقىمىزدىڭ بىرلىك مەرەكەسى تاتارستان، وزبەكستان جانە بەلارۋستان كەلگەن قوناقتاردى قارسى الادى. كونسەرتكە حالىقارالىق بايقاۋلاردىڭ لاۋرەاتى زارينا حاسانشينا، وزبەكستاننىڭ، قاراقالپاقستاننىڭ، باشقۇرتستاننىڭ حالىق ءارتىسى جەڭىسبەك پيازوۆ جانە بەلارۋس رەسپۋبليكاسىنىڭ ەڭبەك سىڭىرگەن ءارتيسى جانەت بۋتەرۋس قاتىسادى.
مەرەكەلىك كونسەرتتىڭ جالعاسى رەتىندە قازاق، ارميان، كورەي، كاۆكاز، تۇرىك، ۇيعىر، پولياك ۇلتتىق بيلەرى جانە قازاقستاننىڭ باسقا حالىقتارىنىڭ ءبيى ۇسىنىلادى.
ءدال وسى كۇنى اباي الاڭىندا قازاقستان حالىقتارىنىڭ تاعامدارى فەستيۆالى وتەدى، وندا 15 مەيرامحانا قازاق، كورەي، گرۋزين، ورىس، ۇيعىر جانە ءۇندنىڭ ۇلتتىق تاعامدارىن ۇسىنادى.
1-مامىر كۇنى ساعات 11.00-دە جىبەك جولى، پانفيلوۆ كوشەلەرىندە جانە عىلىم اكادەمياسى عيماراتىنىڭ الدىنداعى ش. ءۋاليحانوۆ اتىنداعى سكۆەردە مەرەكەلىك ءىس-شارالار وتەدى. كونسەرتتىك باعدارلامالار «الماتى اۋەندەرى» ارتىستەرىنىڭ جانە «الاتاۋ» ءداستۇرلى ونەر تەاترىنىڭ، قازاقستان حالقى اسسامبلەياسىنىڭ، مۋزىكالىق توپتار مەن دي-دجەيلەردىڭ قاتىسۋىمەن جوسپارلانعان.
