تاكسيستەر مەن كۋرەرلەر 1- شىلدەدەن باستاپ سالىق تولەيدى

استانا. قازاقپارات - مەملەكەتتىك كىرىستەر كوميتەتى ينتەرنەت-پلاتفورمالارمەن بىرلەسىپ، تاكسي جۇرگىزۋشىلەرى مەن كۋرەرلەرگە ىڭعايلى فۋنكتسيونالدى ىسكە اسىرىپ جاتىر.

بۇل تۋرالى مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

تاكسي نەمەسە كۋرەرلىك جەتكىزۋ قىزمەتىن كورسەتۋ كەزىندە جەكە كاسىپكەر رەتىندە تىركەلۋ نەمەسە مەكەمەگە (باسقا كاسىپكەرگە) جالدامالى قىزمەتكەر رەتىندە راسىمدەۋ جولىمەن سالىق پەن الەۋمەتتىك تولەمدەردى تولەۋگە مىندەتتى.

بۇل تالاپتار قازىر پايدا بولعان جوق، بۇرىننان بار، ءبىراق ءارتۇرلى سەبەپتەرگە بايلانىستى كوپ ازاماتتار ورىندامايدى.

ءبىزدىڭ ويىمىزشا، سەبەپتەردىڭ ءبىرى - مىندەتتەمەلەردى ورىنداۋعا بايلانىستى اكىمشىلىك راسىمدەردى ورىنداۋعا دايىن ەمەستىگى.

سالىق تولەۋشى ءۇشىن ەڭ ءتيىمدىسى - «eSalyq Business» ارنايى موبيلدى قوسىمشا نەگىزىندەگى سالىق رەجيمىن قولدانۋ.

سەبەبى 1 پايىزدىق ستاۆكامەن تابىس سالىعىن جانە الەۋمەتتىك تولەمدەردى (زەينەتاقى جارنالارى، الەۋمەتتىك اۋدارىمدار جانە مەديتسينالىق ساقتاندىرۋ) تولەۋ قاجەت.

وسىعان بايلانىستى، ينتەرنەت-پلاتفورمالاردى پايدالانا وتىرىپ، قىزمەت كورسەتەتىن تۇلعالارعا سالىق مىندەتتەمەلەرىن ورىنداۋعا كومەكتەسۋ ءۇشىن مەملەكەتتىك كىرىستەر كوميتەتى «eSalyq Business» موبيلدى قوسىمشاسىن پايدالانا وتىرىپ جۇرگىزىلەتىن سالىق رەجيمى نەگىزىندە پيلوتتىق جوبانى ىسكە قوسىپ جاتىر.

ونىڭ شەڭبەرىندە جەكە كاسىپكەر رەتىندە تىركەلۋ تىكەلەي ينتەرنەت-پلاتفورمادا وتەدى.

پلاتفورما وپەراتورى تابىسىن تولەۋ كەزىندە تيەسىلى سالىقتار مەن الەۋمەتتىك تولەمدەردى ۇستايدى جانە تولەيدى، سودان كەيىن مالىمەتتەر اۆتوماتتى تۇردە م ك ك- عا بەرىلەدى.

بۇل جەكە تۇلعا سالىق ورگاندارىنا بارماي-اق، سالىق مىندەتتەمەسىن ورىندايدى، ال سالىقتاردى ەسەپتەۋ مەن تولەۋدەگى قاتەلىكتەر جويىلادى.

بۇگىنگى كۇنى اقپاراتتىق جۇيەلەردى باپتاۋ بويىنشا ياندەكس. تاكسيمەن جۇمىس ءجۇرىپ جاتىر، جۇمىس اياقتالعاننان كەيىن ازاماتتار ەرىكتى نەگىزدە پيلوتتىق جوباعا قوسىلا الادى.

تەحنيكالىق جۇزەگە اسىرۋدىڭ جوسپارلانعان ۋاقىتى - 2023-جىلدىڭ 1- شىلدەسى.