12:03, 25 - ءساۋىر 2023 | GMT +5
جاڭاوزەندە قۇنى 1 ميلليارد تەڭگەدەن اساتىن كومبينات مەملەكەتكە قايتارىلدى
استانا. قازاقپارات - 2019 -جىلى قاتتى تۇرمىستىق قالدىقتاردى قايتا وڭدەۋ جانە كومۋ كومبيناتى «تازالىق- س» ج ش س سەنىمگەرلىك باسقارۋىنا بەرىلگەن، دەپ حابارلايدى قازاقپارات باس پروكۋراتۋراعا سىلتەمە جاساپ.
جاڭاوزەن قالاسىنىڭ پروكۋراتۋراسى انىقتاعانداي، ج ش س وعان كومبيناتتى بەرۋگە نەگىز بولعان مىندەتتەمەلەردى ورىنداماعان.
اتاپ ايتقاندا، كومبينات جەتكىلىكتى ارنايى تەحنيكامەن قامتاماسىز ەتىلمەگەن، قاتتى تۇرمىستىق قالدىقتاردى قايتا وڭدەۋ ءوندىرىسى كەڭەيتىلمەگەن، پوليمەرلى قۇبىر ءوندىرىسى ىسكە قوسىلماعان.
پروكۋراتۋرانىڭ قاداعالاۋ اكتىسى بويىنشا جاڭاوزەن اكىمدىگى مامانداندىرىلعان اۋدانارالىق ەكونوميكالىق سوتىنا سەنىمگەرلىك شارتتى توقتاتا تۇرۋ جونىندە ارىز بەرىپ، ول تولىعىمەن قاناعاتتاندىرىلعان.
اپەللياتسيا ساتىسىندا جوعارىدا اتالعان سوتتىڭ شەشىمى وزگەرىسسىز قالدى.
ناتيجەسىندە بالانستىق قۇنى 1 ميلليارد تەڭگەدەن اساتىن مۇلىكتىك كەشەن جەرگىلىكتى اتقارۋشى ورگاننىڭ كوممۋنالدىق مەنشىگىنە قايتارىلدى.
