تومەن جالاقى الاتىن حالىقتىڭ سانى 1 ميلليونعا جۋىق - التاي كولگىنوۆ

استانا. قازاقپارات - ۇكىمەتتىڭ كەڭەيتىلگەن كەڭەسىندە پرەمەر- ءمينيستردىڭ ورىنباسارى التاي كولگىنوۆ ەلدەگى ينفلياتسيا الەۋمەتتىك جاعدايى تومەن حالىقتىڭ تۇرمىسىن ۋشىقتىرعانىن ايتتى، دەپ حابارلايدى قازاقپارات ءتىلشىسى.

«حالىقتىڭ تابىسىن ارتتىرۋ باعدارلاماسىن جەتىلدىرىپ، الەۋمەتتىك كودەكس ازىرلەندى. ولار بويىنشا ءتۇسىندىرۋ جۇمىستارى جۇرگىزىلىپ جاتىر. سونىمەن قاتار ءبىلىم بەرۋ، مادەنيەت، سپورت، تۋريزم، جاستاردى قولداۋعا باعىتتالعان تۇجىرىمدامالار قابىلداندى. حالىقتىڭ تابىسىن ارتتىرۋ جانە جۇمىسپەن قامتۋ بويىنشا ايتساق، ينفلياتسيانىڭ ءوسۋ سالدارى اسىرەسە الەۋمەتتىك وسال تاپتاردىڭ ناقتى تابىسىنىڭ تومەندەۋىنە ءوز اسەرىن تيگىزدى. ەگەر بىلتىر اتاۋلى الەۋمەتتىك كومەك الۋشىلاردىڭ سانى 800 مىڭعا جۋىق بولسا، تەك بىلعى 1 توقساندا ولاردىڭ سانى 446 مىڭ بولىپ وتىر. ونىڭ نەگىزگى بولىگى - از قامتىلعان وتباسىلار»، - دەدى ۇكىمەت باسشىسىنىڭ ورىنباسارى.

ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.