قاڭتاردا وققا ۇشقانداردىڭ وتباسىنا «قازاقستان حالقىنا» قورى 1 ميلليارد تەڭگە بەردى

استانا. قازاقپارات - قايعىلى قاڭتاردا كەزىندە زارداپ شەككەن 614 ازاماتقا جالپى سوماسى 2 ميلليارد 434 ميلليون تەڭگە كولەمىندە قايىرىمدىلىق كومەك كورسەتىلدى، دەپ حابارلايدى قازاقپارات «قازاقستان حالقىنا» قورىنا سىلتەمە جاساپ.

كەزدەيسوق قازا تاپقان 145 ازاماتتىڭ وتباسىنا - 1 ميلليارد 15 ميلليون تەڭگە.

كەزدەيسوق قايتىس بولعان ازاماتتاردىڭ وتباسىنداعى كامەلەتكە تولماعان 131 بالاعا - 262 ميلليون تەڭگە.

اتىس قارۋىنان جاراقات العان جانە جابىرلەنۋشى دەپ تانىلعان كامەلەتكە تولعان 202 ازاماتقا - 606 ميلليون تەڭگە.

جاراقات العان 13 بالانىڭ وتباسىنا - 39 ميلليون تەڭگە.

قازا تاپقان 19 اسكەري قىزمەتشىنىڭ وتباسىلارىنا، ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنە - 133 ميلليون تەڭگە.

اۋىر جاراقات العان 111 اسكەري قىزمەتكەرگە، ىشكى ىستەر جانە ۇلتتىق قاۋىپسىزدىك ورگاندارىنىڭ قىزمەتكەرلەرىنە - 333 ميلليون تەڭگە.

قايتىس بولعان اسكەري قىزمەتكەرلەردىڭ، ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنىڭ وتباسىنداعى 23 كامەلەتكە تولماعان بالاعا - 46 ميلليون تەڭگە.