پرەزيدەنت مۇراعاتىندا ەل تاريحىنا قاتىستى 1 ميلليون استام قۇجات ساقتالعان
بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر پرەزيدەنتى ءارحيۆىنىڭ ديرەكتورى ءاليا مۇستافينا ءمالىم ەتتى، دەپ حابارلايدى قازاقپارات ءتىلشىسى.
«2022 -جىلى ءبىزدىڭ جۇمىسىمىزدا تۇبەگەيلى وزگەرىستەر بولدى. ق ر پرەزيدەنتىنىڭ جارلىعىنا سايكەس جاڭا ەرەجە بەكىتىلدى، ۇيىمدىق نىسانى مەن قۇرىلىمى وزگەرتىلدى، جاڭا فۋنكسيالار مەن مىندەتتەر بەكىتىلدى. مۇراعاتتى 2035 -جىلعا دەيىن دامىتۋ تۇجىرىمداماسى ازىرلەندى، وندا قر ۇلتتىق مۇراعات قورىنىڭ قۇجاتتارىن جيناقتاۋ، ەسەپكە الۋ، ساقتاۋ جانە پايدالانۋ جونىندەگى مەكەمەنىڭ قىزمەتىن جاڭعىرتۋ، مۇراعات ءىسىن تسيفرلىق تۇرلەندىرۋ، مۇراعات ءىسى مەن قۇجات جۇرگىزۋ سالاسىندا عىلىمي، ادىستەمەلىك جانە ۇيلەستىرۋ ورتالىعى رەتىندە قالىپتاسۋ باعىتتارى ناقتىلانعان»، - دەيدى ءاليا مۇستافينا.
ايتۋىنشا، بىلتىر مۇراعاتتا قولدانبالى جانە عىلىمي جوبالار ورتالىعى، وقۋ- ادىستەمەلىك ورتالىق جانە 20- عاسىرداعى ساياسي قۋعىن- سۇرگىن ماتەريالدارىن زەرتتەۋ ورتالىعى ۇيىمداستىرىلدى.
«مۇراعاتتا ⅩⅩ عاسىرداعى ساياسي قۋعىن- سۇرگىن ماتەريالدارىن زەرتتەۋ ورتالىعىنىڭ اشىلۋىمەن ەل اۋماعىندا 20- عاسىرداعى ساياسي قۋعىن- سۇرگىن قۇرباندارىنىڭ قۇجاتتارىن ساقتاۋعا ارنالعان مامانداندىرىلعان قويما پايدا بولدى. ناتيجەسى دە تاڭ قالارلىق: 260 مىڭنان استام مۇراعاتتىق ءىستىڭ قۇجاتتارى قابىلداندى، قابىلداۋ ءالى دە جالعاسۋدا. مۇراعات وسى تاقىرىپ بويىنشا الەۋمەتتىك- قۇقىقتىق سۇرانىستاردى ورىنداۋعا كىرىستى، «Amanat» تۇلعالار تۋرالى مالىمەتتەر بازاسى ازىرلەنۋدە، - دەپ جالعاستىردى ديرەكتوردىڭ ورىنباسارى قايرات ءالىمعازينوۆ.
بيىل وتاندىق مۇراعاتشىلار 1998 -جىلى 22-جەلتوقساندا قابىلدانعان قازاقستان رەسپۋبليكاسىنىڭ «ۇلتتىق مۇراعات قورى جانە مۇراعاتتار تۋرالى» زاڭىنىڭ 25 جىلدىعىن اتاپ وتۋدە.
«ۇلتتىق مۇراعات قورى جانە مۇراعاتتار تۋرالى» زاڭنىڭ 25 جىلدىعىنا وراي ءبىز «تاريحي قۇجات - ۇرپاققا امانات» مۇراعات مارافونى ءبىرىڭعاي جوباعا بىرىكتىرىلگەن قالالىق، رەسپۋبليكالىق جانە حالىقارالىق دەڭگەيدە ءبىرقاتار ءىس- شارالاردى جوسپارلادىق. زاڭنىڭ قابىلدانۋى - قازاق مۇراعات سالاسىنىڭ دامۋىنداعى تاريحي كەزەڭ. ءدال وسى ساتتەن باستاپ نورماتيۆتىك بازانى قالىپتاستىرۋ باستالدى. 25 جىل ىشىندە مۇراعاتتىق قۇجاتتاردى ساقتاۋ جانە پايدالانۋ ەرەجەلەرى قابىلداندى، قۇجاتتاردى ساقتاۋ مەرزىمدەرى مەن جويۋ ءتارتىبى بەلگىلەندى، مەملەكەتتىك جانە ۆەدومستۆولىق مۇراعاتتاردىڭ جۇمىسىندا ءبىرىڭعاي قاعيداتتار مەن تالاپتار بەلگىلەندى. زاڭ قابىلدانعاننان بەرى وعان 40 تان استام وزگەرىستەر مەن تولىقتىرۋلار ەنگىزىلدى»، - دەيدى ول.
ارحيۆ ماماندارىنىڭ سوزىنشە، زاماناۋي جاعدايلاردا سالانىڭ دامۋىنىڭ نەگىزگى ءۇردىسى - جاڭا IT تەحنولوگيالاردى ەنگىزۋ جانە بۇعان الدىڭعى قاتارلى شەتەلدىك تاجىريبە دالەل بولىپ وتىر.
بۇل ءبىر جاعىنان مۇراعاتتار جۇمىسىن ۇيىمداستىرۋدى جانە ولار كورسەتەتىن قىزمەتتەردى كورسەتۋدى ساپالى جاڭا دەڭگەيگە شىعارۋعا مۇمكىندىك بەرسە، ەكىنشى جاعىنان زاماناۋي تالاپتارعا جاۋاپ بەرەتىن ادىستەمە مەن شەشىمدەردى ازىرلەۋدە مۇلدە جاڭا مىندەتتەر قويادى.
«تيىسىنشە، زاڭنامالىق بازانى جەتىلدىرۋ قاجەت، ال وزگەرىستەر ستراتەگيالىق، الدىن الا ەسەپتەلگەن بولۋى كەرەك. قازاقستانداعى مۇراعات سالاسى ۇزاق مەرزىمدى ستراتەگيالىق قۇجاتتى قاجەت ەتەدى. ءبىز قازىرگى جاعدايدى ءتۇسىنۋىمىز كەرەك، بۇل ءادىسناما ماسەلەلەرى، IT داعدىلارى بار جاڭا بۋىن كادرلارىن دايىنداۋ جانە ەلەكتروندىق (سيفرلىق) اقپاراتتىڭ قاۋىپسىزدىگى ماسەلەلەرى.
«ۇلتتىق مۇراعات قورى جانە مۇراعاتتار تۋرالى» زاڭنىڭ 25 جىلدىعىنا وراي ءبىز «تاريحي قۇجات - ۇرپاققا امانات» مۇراعات مارافونى ءبىرىڭعاي جوباعا بىرىكتىرىلگەن قالالىق، رەسپۋبليكالىق جانە حالىقارالىق دەڭگەيدە ءبىرقاتار ءىس- شارالاردى جوسپارلادىق»، - دەپ اتاپ ءوتتى ق ر پرەزيدەنتى ءارحيۆىنىڭ وكىلى.
مارافوننىڭ باستى ماقساتى - مۇمكىندىگىنشە كوپ ادامعا قازاقستان تاريحىنىڭ مۇراعاتتىق مۇرالارى، بىرەگەي جانە باعا جەتپەس قۇجاتتارى تۋرالى بىلۋگە مۇمكىندىك بەرۋ.
