قازاقستاندى 1 مىڭنان استام بوسقىن پانالاپ وتىر - مينيسترلىك

«قازىرگى گەوساياسي جاعدايعا بايلانىستى كەيبىر مەملەكەتتە ازاماتتار ەلدەن كەتۋگە ءماجبۇر بوپ جاتىر. بۇل پروبلەما ءبىزدىڭ ەلدى دە اينالىپ وتكەن جوق. قازىرگى ۋاقىتتا ەلىمىزدە 500 گە جۋىق بوسقىن جانە پانا ىزدەپ كەلگەن 722 ادام تىركەلگەن»، - دەدى ءىلياس يسپانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەردىڭ ايتۋىنشا، ولارمەن جۇرگىزەتىن جۇمىستى ب ۇ ۇ ستاندارتتارىنا سايكەستەندىرۋ كەرەك.

«قازىر بوسقىندارمەن جۇمىستى ءبىزدىڭ كوميتەت ۇيلەستىرىپ وتىر. جەرگىلىكتى اتقارۋشى ورگاندارمەن جانە ىشكى ىستەر ورگاندارىمەن بىرگە بۇل جۇمىستى جالعاستىرامىز. ەڭ باستىسى - ولاردىڭ ەلگە كەلىپ تۇرۋىن زاڭداستىرۋ، ولاردى شەتتەتپەستەن ءومىر ءسۇرۋ، ءوز ەلىندەگى جاعداي دۇرىستالعان سوڭ قايتارۋ ماسەلەسىن قولعا الامىز»، - دەدى ءى. يسپانوۆ.

اتالعان ازاماتتاردىڭ ىشىنەن باسىم بولىگى اۋعانستان (415 بوسقىن) مەن ۋكراينادان (537 پانا ىزدەپ كەلۋشى) كەلگەن.

بوسقىندار مەن پانا ىزدەپ كەلگەن ادامداردىڭ نەگىزگى بولىگى الماتى قالاسىندا (343 بوسقىن، 193 پ ى ك)، شىمكەنتتە (81 بوسقىن، 48 پ ى ك)، الماتى وبلىسىندا (11 بوسقىن، 58 پ ى ك) جانە استانادا (98 پ ى ك) ءجۇر.

بۇعان دەيىن ءىلياس يسپانوۆ قازاقستان اۋماعىندا جۇرگەن رەسەيلىكتەر تۋرالى مالىمەت بەرگەن ەدى.