07:40, 22 - قىركۇيەك 2022 | GMT +6
تۇركىستان وبلىسىندا مالشى 1 ءۇيىر جىلقىنى ساتىپ جىبەرگەن
تۇركىستان. قازاقپارات - تۇركىستان وبلىسىندا جىلقىشى 1 ءۇيىر جىلقىنى ساتىپ جىبەرگەن، دەپ حابارلايدى قازاقپارات ءتىلشىسى.
وقيعا قازىعۇرت اۋدانىندا بولعان. تانىسىنا 12 باس جىلقىسىن سەنىپ تاپسىرعان جەرگىلىكتى تۇرعىن 4 ميلليون تەڭگە كولەمىندە شىعىنعا باتتى.
جىلقىشى سەنىپ تاپسىرىلعان بوتەننىڭ مالىن ساتىپ، اقشاسىن باس پايداسىنىڭ قاجەتىنە جاراتىپ جىبەرگەن.
«اتالعان جايتتى پوليتسيا قىزمەتكەرلەرى ق ر ق ك- ءنىڭ 189-بابى «سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان- تاراجعا سالۋ» بويىنشا تىركەۋگە الدى. قازىرگى تاڭدا كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلۋدە»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.
