جاڭا وقۋ جىلىندا 1 ميلليون وقۋشى تەگىن ىستىق تاماق ىشەدى

«ىستىق تاماقپەن قامتاماسىز ەتۋ باعىتىندا جەرگىلىكتى اتقارۋشى ورگانداردىڭ بولجامدى اقپاراتىنا سايكەس، 1-11 سىنىپتاردا 3,3 ميلليوننان استام وقۋشى ءۇشىن 6068 مەكتەپتە، 48 مىڭنان استام بالا ءۇشىن 441 مەكتەپتە بۋفەتتىك تاماقتانۋ ۇيىمداستىرىلادى. جاڭا وقۋ جىلىندا تەگىن ىستىق تاماقپەن 1-11 سىنىپ وقۋشىلارىنىڭ 30 پايىزىن، ياعني 1 ميلليونعا تارتا وقۋشىنى، ونىڭ ىشىندە الەۋمەتتىك وسال وتباسىلاردان شىققان 442,1 مىڭ وقۋشىنى قامتاماسىز ەتۋ جوسپارلانعان»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ۆيتسە- ءمينيستردىڭ اتاپ وتۋىنشە، 8 وڭىردە اكىمدىكتەردىڭ باستاماسىمەن ءماسليحاتتاردىڭ شەشىمىنە سايكەس، 1-4 سىنىپتاردىڭ 52 پايىزى نەمەسە 723872 وقۋشى تەگىن تاماقپەن قامتاماسىز ەتىلەدى. ولار: اتىراۋ، باتىس قازاقستان، قاراعاندى، ۇلىتاۋ، پاۆلودار وبلىستارى، نۇر- سۇلتان، شىمكەنت جانە الماتى قالالارى.

«ەكى وڭىردە، اتاپ ايتقاندا اقمولا جانە ماڭعىستاۋ وبلىستارىندا 1 سىنىپ وقۋشىلارى تەگىن تاماقپەن قامتاماسىز ەتىلەدى»، - دەدى عاني بەيسەمبايەۆ.