16:45, 02 - تامىز 2022 | GMT +5
الماتىدا موپەد پەن جەڭىل كولىك سوقتىعىسىپ، 1 ادام زارداپ شەكتى - ۆيدەو
الماتى. قازاقپارات - الماتىدا موپەد پەن جەڭىل كولىك سوقتىعىسىپ، ءبىر ادام زارداپ شەكتى، دەپ حابارلايدى قازاقپارات ءتىلشىسى.
جول اپاتىنىڭ ۆيدەوسى الەۋمەتتىك جەلىدە تارادى. قالالىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، جول اپاتى كۇندىزگى ۋاقىتتا ءال-فارابي داڭعىلىندا بولعان.
«موپەد تىزگىندەگەن ن. ءال-فارابي داڭعىلى بويىمەن شىعىس باعىتتا كەلە جاتىپ، قاشىقتىقتى ساقتاماعان. وسىلايشا، «Mitsubishi» ماركالى كولىككە سوقتىعىسقان»، - دەدى الماتى قالاسى پوليتسيا دەپارتامەنتى انىقتاۋ باسقارماسىنىڭ باستىعى ولجاس ءشارىپوۆ.
ءمالىم ەتىلگەندەي، موپەدتە مەملەكەتتىك تىركەۋ ءنومىرى بولماعان. پوليتسيا وكىلىنىڭ ايتۋىنشا، جول اپاتى سالدارىنان موپەدشى دەنە جاراقاتىمەن اۋرۋحاناعا جەتكىزىلدى. اتالعان دەرەكتى بوستاندىق اۋدانىنىڭ پوليتسيا باسقارماسى تەكسەرىپ جاتىر.
