ءبىرىنشى سىنىپقا قۇجاتتاردى قابىلداۋ 1- تامىزدا اياقتالادى
«ءبىرىنشى سىنىپقا قابىلداۋ بويىنشا 400 مىڭنان استام ءوتىنىش ءتۇستى. بيىل مەكتەپكە باراتىن بالالاردىڭ 70 پايىزى قازاق تىلىندە ءبىلىم الۋدى تاڭدادى. قالعاندارى ورىس، ۇيعىر جانە تاجىك تىلدەرىندە وقۋدى جوسپارلاپ وتىر. ال، قۇجاتتاردى قابىلداۋ مەرزىمى – 1- ساۋىردە باستالىپ، 1- تامىزدا اياقتالادى. ازاماتتارعا ىڭعايلى بولۋى ءۇشىن مينيسترلىك بۇل قىزمەتتى اۆتوماتتاندىردى. ياعني، قۇجاتتار eGov پورتالى ارقىلى قابىلدانادى. سونىمەن قاتار قۇجاتتاردى قاعاز تۇرىندە دە قابىلداۋ قاتار جۇرەدى»، - دەپ اتاپ ءوتتى ءنازيرا ءابدىراحمانوۆا.
بالانى مەكتەپكە بەرۋ ءۇشىن قاجەتتى قۇجاتتار:
- اتا- انانىڭ ءوتىنىشى؛
- تۋۋ تۋرالى كۋالىكتىڭ كوشىرمەسى؛
- № 063/ۋ جانە 026/ۋ فورماتىنداعى دەنساۋلىق انىقتامالارى؛
- 2 دانا 3х 4 ولشەمىندەگى فوتوسۋرەتى.
ەگەر اتا- انا ءوتىنىشتى eGov پورتالى ارقىلى بەرەتىن بولسا، وندا اتالعان قۇجاتتاردىڭ جالپى جۇكتەمەسى 5 مەگابايتتان اسپاۋى ءتيىس.
اۆتور ءاليحان اسقار
