استانادا 1 مىڭنان استام ماتەماتيكا ءپانى مۇعالىمى جەتىسپەيدى

None
نۇر- سۇلتان. قازاقپارات - ەلوردادا بىرنەشە ءپان بويىنشا ساباق بەرەتىن مۇعالىمدەر جەتىسپەيدى. اتالعان ماسەلەنى نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازيەۆ كوتەرىپ وتىر، دەپ حابارلايدى قازاقپارات ءتىلشىسى.

«مەكتەپتەردە نەگىزىنەن ورىس تىلىندە وقىتاتىن باستاۋىش سىنىپ مۇعالىمدەرى - 2720 مامان، ورىس ءتىلى مەن ادەبيەتى ءپانى ءمۇعالىمى - 680 مامان، ماتەماتيكا مۇعالىمى- 1020، اعىلشىن ءتىلى - 1360، ورىس تىلىندە وقىتاتىن حيميا جانە بيولوگيا مۇعالىمدەرى - 340 مامان قاجەت. سونىمەن قاتار ارنايى ءبىلىمى بار مەكتەپكە دەيىنگى مەكەمەلەرگە 1656 تاربيەشى كەرەك»، - دەدى قاسىمحان سەنعازيەۆ ەلوردا اكىمدىگىندە وتكەن قوعامدىق كەڭەس وتىرىسىندا.

ودان بولەك، باسقارما باسشىسى ەلوردادا مەديتسينالىق ماماندىقتاردى دايارلاۋ بويىنشا 240 ءوتىنىشتىڭ كەلىپ تۇسكەنىن ايتتى.

«وتىنىشكە سايكەس قالامىزعا وتباسىلىق مەديتسينا بويىنشا 78 مامان، پەدياتريا – 14، اكۋشەريا جانە گينەكولوگيا – 17، ەرەسەكتەر مەن بالالاردىڭ انەستەزيولوگياسى جانە رەانيماتولوگياسى – 15، فيزيكالىق مەديتسينا جانە وڭالتۋ - 15 جانە باسقا دا ماماندار دايارلاۋ قاجەت. سونداي- اق، دەنە شىنىقتىرۋ جانە سپورت باسقارماسىنىڭ ءوتىنىشى بويىنشا 50 مامان دايارلاۋ قاجەتتىگى تۋىنداپ وتىر. سول سەكىلدى ءدىن ىستەرى باسقارماسىنان 15 ورىن بەلگىلەندى. ونىڭ ىشىندە يسلامتانۋ، ءدىنتانۋ ماماندارىن ازىرلەۋ قاجەت»، - دەيدى ول.

بۇعان دەيىن ق. سەنعازيەۆ الداعى 5 جىل ىشىندە نۇر-سۇلتان قالاسىندا 1 مىڭ پەداگوگ دايارلاۋ تۋرالى مالىمدەگەن ەدى.


اۆتور: ءالي يبرايەۆ


سوڭعى جاڭالىقتار