تۇركيا 1- شىلدەدەن باستاپ وزگە ەلدىڭ ازاماتتارىنا تۇرۋعا رۇقسات بەرۋدى شەكتەيدى

نۇر- سۇلتان. قازاقپارات - بۇل تۋرالى ەلدىڭ ىشكى ىستەر ءمينيسترى سۋلەيمان سويلۋ مالىمدەدى. بۇدان بىلاي ەلدىڭ ءاربىر شاعىن اۋدانىندا شەتەلدىكتەردىڭ سانى جەرگىلىكتى تۇرعىنداردىڭ جالپى سانىنان % 20- تەن اسپايدى، دەپ حابارلايدى «حابار 24».

بۇعان دەيىن بۇل كورسەتكىش % 25 بولعان. ال، 1200 شاعىن اۋدان تىپتەن شەتتەن كەلگەندەر ءۇشىن تۇبەگەيلى جابىلادى. تۇركيادا شامامەن 4 ميلليونعا جۋىق شەتەلدىك ءومىر سۇرەدى. اسىرەسە، بۇل كورسەتكىش پاندەميا كەزىندە ەداۋىر وسكەن.

سۋلەيمان سويلۋ، تۇركيانىڭ ىشكى ىستەر ءمينيسترى:

- تۇركيانىڭ بەلگىلى ءبىر ايماقتارىندا شەتەلدىك ازاماتتاردىڭ شوعىرلانۋىنىڭ الدىن- الۋ ماقساتىندا ءبىرقاتار شارالار قابىلدانعان. جەرگىلىكتى تۇرعىنداردان شەتەلدىكتەردىڭ سانى %25 اسىپ كەتكەن 54 پروۆينتسياداعى 781 شاعىن اۋداندى وزگە ەلدىڭ ازاماتتارىنا ۋاقىتشا جانە تۇراقتى تۇرۋعا جاپقان ەدىك. 2022 -جىلدىڭ 1- شىلدەسىنەن باستاپ، % 25 كۆوتانى % 20- كە ازايتتىق. ال 1200 شاعىن اۋداندا شەتەلدىك ازاماتتاردىڭ تۇرۋىنا رۇقسات جوق.

شەتەل ازاماتتارىنىڭ تۇكيادا تۇرۋىنا ىقتيارحات كۆوتاسى العاش رەت اقپان ايىندا ەنگىزىلگەن بولاتىن. جەرگىلىكتى اقپارات قۇرالدارىنىڭ حابارلاۋىنشا، مۇنداي شەشىم نەگىزىنەن داماسكىدەن قاشقان سيريالىق بوسقىندار اعىنىنىڭ ارتۋىنا بايلانىستى قابىلدانعان. ىشكى ىستەر ءمينيسترىنىڭ ايتۋىنشا، زاڭسىز كوشى- قونعا قارسى كۇرەس قارقىندى جۇرگىزىلىپ جاتىر.