قوستانايلىقتار 1-مامىردى ۇلتتىق ناقىشتا تويلاماقشى

ءداستۇر بويىنشا تاڭەرتەڭنەن باستاپ قوستاناي قالاسىنىڭ ورتالىعىندا اۋقىمدى اۋىل شارۋاشىلىعى جارمەڭكەسى اشىلادى. مۇندا وبلىستاعى ەتنومادەني بىرلەستىكتەردىڭ ۇيىمداستىرۋىمەن ەتنو- جارمەڭكە دە ۇيىمداستىرىلادى. قوستاناي قالاسىنىڭ ورتالىعىندا ساعات 11.00 دە بارلىعى «كوكتەم، دوستىق، ءبىر حالىق» كونسەرتتىك باعدارلاماسىن تاماشالاي الادى.
تۇسكى اسقا قاراي قالا تۇرعىندارىنىڭ كوپتەن كۇتكەن ەتنوكۆەستى وتەدى. كۆەست اياسىندا 7 ۋچاسكەدە 7 كوماندا قازاقستاندىقتاردىڭ ءتول مادەنيەتىنىڭ ءداستۇرلى ەلەمەنتتەرىن كورسەتەدى.
تۇسكى استان كەيىن ساعات 14:00 دە قوستانايلىقتاردىڭ كەزەكتى «ethnomixs» اتتى كونتسەرتتىك باعدارلاماسى بولادى، وندا زاماناۋي وڭدەۋدەگى ۇلتتىق مۋزىكالىق نومىرلەر كورسەتىلەدى. سونداي- اق مەرەكە كۇنى قوستاناي جاعالاۋىندا دوستىق اللەياسىنىڭ بويىنا اعاش وتىرعىزۋ جوسپارلانۋدا