ەلوردادا 1-مامىر مەرەكەسىندە ۇلتتىق سپورت تۇرلەرىنەن جارىستار مەن مادەني شارالار وتەدى

قالا تۇرعىندارى مەن قوناقتارى ءۇشىن كونسەرتتەر، سپورتتىق جارىستار، كورمەلەر، چەللەندجدەر جانە باسقا دا شارالار ۇيىمداستىرىلادى، دەپ حابارلايدى قازاقپارات نۇر- سۇلتان اكىمدىگىنىڭ رەسمي سايتىنا سىلتەمە جاساپ.
1-مامىردا ەلوردادا ەكسپو كورمەسى الاڭىندا قازاقستان حالقىنىڭ بىرلىگى كۇنىنە ارنالعان سپورتتىق- بۇقارالىق ءىس- شارا وتەدى.
قالا تۇرعىندارى ۇلتتىق سپورت تۇرلەرى بويىنشا، ونىڭ ىشىندە اسىق اتۋ، قول كۇرەسى، ارقان تارتۋ جانە گىر كوتەرۋدەن جارىستارعا قاتىسا الادى. جەڭىمپازدار باعالى سىيلىقتارمەن ماراپاتتالادى. سونىمەن قاتار، بۇل كۇنى ءتورت الاڭدا شىعارماشىلىق ۇجىمدار مەن ەلوردا ارتىستەرىنىڭ قاتىسۋىمەن كونسەرتتىك باعدارلامالار ۇيىمداستىرىلادى. كونسەرتتەر ەكسپو الدىنداعى الاڭدا، جازۋشىلار اللەياسىندا، Demalys Promenade، ستۋدەنتتەر ساياباعىندا وتەدى.
1-مامىر كۇنى مۋزىكالىق جاس كورەرمەن تەاترىندا «ءشامشى» ميۋزيكلى كورسەتىلسە، ەلوردالىق قۋىرشاق تەاترى «الدار جانە ونىڭ دوستارى» كونسەرتتىك باعدارلاماسى قويىلادى.
سيرك باعدارلاماسىن 30-ءساۋىر مەن 1-مامىر كۇندەرى الەۋمەتتىك جەلىلەردەگى پاراقشالاردا استانالىق سيرك ارتىستەرى ونلاين رەجيمىندە كورسەتەدى. سونىمەن قاتار، قالانىڭ بىرىككەن مۋزەيلەرى ديرەكتسياسىنىڭ بارلىق ۆەدومستۆولىق باعىنىستى مەكەمەلەرى رەسمي اككاۋنتتاردا قازاقستاندىقتاردى مەرەكەمەن قۇتتىقتاپ، اتاۋلى كۇن تۋرالى تانىمدىق اقپاراتتار تاراتادى. مەرەكەگە وراي اۋداندىق اكىمدىكتەردە كوپبالالى انالاردى «التىن القا» جانە «كۇمىس القا» ءتوس بەلگىلەرىمەن ماراپاتتاۋ وتەدى.
1-مامىردا ەسىل اۋدانىنىڭ اكىمدىگى «بوتانيكالىق باق» كەشەنىندە اشىق ەسىك كۇنى اياسىندا تەگىن ەكسكۋرسيا ۇيىمداستىرادى، ال بايقوڭىر اۋدانىنىڭ اكىمدىگى ەتنومادەني بىرلەستىكتەرىنىڭ وكىلدەرىمەن بىرگە اعاش وتىرعىزادى. سونىمەن قاتار، اۋداندىق اكىمدىكتەردىڭ الەۋمەتتىك جەلىلەردەگى پاراقشالارىندا-مامىر ايىنا قاراي الەمنىڭ ءتۇرلى تىلدەرىندە ولەڭ وقۋ بويىنشا چەللەندج، وقۋشىلار اراسىندا «قازاقستان - ءبىزدىڭ ورتاق ءۇيىمىز» اتتى سۋرەتتەر كونكۋرسى وتكىزىلەدى.
29-ساۋىردە №5 جانە №68 مەكتەپ- گيمنازيالارىندا «ىنتىماعى جاراسقان - كوپۇلتتى قازاقستان»، «قازاقساتان - دوستىق مەكەنى» ءبىرىڭعاي ساباعى وتەدى. م. وتەمىسوۆ اتىنداعى وقۋشىلار سارايىندا ءتۇرلى ەتنوستاردىڭ بالالارى اراسىندا زياتكەرلىك ويىندارىنىڭ جەڭىمپازدارى ماراپاتتالادى. ال №60 مەكتەپ- ليتسەيدە «ءبىر شاڭىراق استىندا» اتتى كىتاپ- يلليۋستراتسيالىق كورمەلەردىڭ تۇساۋكەسەرلەرىن تاماشالاۋعا قاتىسقان ۇزدىكتەر ماراپاتتالادى.
سونىمەن قاتار، 29-ساۋىردە پاراليمپيادالىق جاتتىعۋ ورتالىعىندا مۇمكىندىگى شەكتەۋلى جاندار اراسىندا ۇستەل تەننيسىنەن اشىق قالالىق تۋرنير ۇيىمداستىرىلادى. بىرلىك كۇنىنە ارنالعان كونسەرتتىك باعدارلامالار «شاراپات» جانە «نۇرلى جۇرەك» الەۋمەتتىك قىزمەت كورسەتۋ ورتالىقتارىندا، ومىرلىك قيىن جاعدايعا تاپ بولعان ادامداردى قايتا الەۋمەتتەندىرۋ ورتالىعىندا وتەدى. 1-مامىردا كونسەرت «ءۇمىت» داعدارىس ورتالىعىندا دا ۇيىمداستىرىلادى. ەلوردانىڭ بالالار كوركەمسۋرەت مەكتەبىندە 29-ءساۋىر مەن 1-مامىر ارالىعىندا «حالىق دوستىعى - ەل بىرلىگى» پانورامالىق كورمەسى جۇمىس ىستەيدى.
سونىمەن قاتار، مەرەكە قۇرمەتىنە قالادا فۋتبولدان سپورتتىق جارىستار، «سپورت - مەنىڭ تاڭداۋىم» ۇلتتىق سپورت تۇرلەرى بويىنشا جارىستار، سونداي-اق «NEET جاستارى جوق» جوباسى شەڭبەرىندە باسكەتبول، ۆولەيبول جانە فۋتبول سپورت تۇرلەرىنەن تۋرنيرلەر وتكىزىلەدى. №2-ونەر مەكتەبىندە «دوستىق بۇلاعى» ەكسپوزيتسياسى قورىتىندىلانىپ، جەڭىمپازدار ماراپاتتالادى.
30-ساۋىردە نۇر-سۇلتاندا «شاتتىق» شىعارماشىلىق فەستيۆالىنىڭ سالتاناتتى جابىلۋى وتەدى، وندا بارلىق ساناتتار بويىنشا سىيلىق يەگەرلەرى انىقتالادى. بۇل كۇندەرى قالالىق قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ باسشىلارى مەن وكىلدەرى دە وزدەرىنىڭ ۆيدەو- قۇتتىقتاۋلارىن دايىنداپ وتىر.
1-مامىر كۇنى م. وتەمىسوۆ اتىنداعى وقۋشىلار سارايىندا جەكسەنبىلىك مەكتەپتەرى «مەن، سەن، ول، ءبارىمىز - تۇتاس ەلدىڭ ءسانىمىز» چەللەندجىن ۇيىمداستىرادى.
«كوپ ۇلتتى، تاتۋ ەلىم - قازاقستان» كونسەرتتىك باعدارلاماسى №1-بالالار مۋزىكالىق مەكتەبىندە وتەدى، ءدال وسى كۇنى «جەتىسۋ» ساياباعىندا ەلوردالىق ق ح ا ەتنومادەني بىرلەستىكتەرىنىڭ وكىلدەرى كونسەرت قويادى.
دوستىق ۇيىندە قازاقستان حالقىنىڭ بىرلىگى كۇنىنە ارنالعان «ANK Live» ستۋدياسىنىڭ تىكەلەي ەفيرى، ال №7 بالالار- جاسوسپىرىمدەر سپورت مەكتەبىندە توعىزقۇمالاق پەن قازاقشا كۇرەستەن تۋرنير وتەدى.
بىرىككەن مۋزەيلەر ديرەكتسياسى مەرەكەگە وراي «ۇلتتىق بىرلىك - ۇلى بايلىق» كورمەسىن ۇسىنىپ، «قازاقستان بىرلىگى - حالىقتار دوستىعىندا!» ءىس- شاراسىن وتكىزەدى.
«جەتىسۋ» ساياباعىندا قالانىڭ جاس تۇرعىندارى مەن قوناقتارى بالالار اراسىنداعى ۇلتتىق سپورت تۇرلەرى بويىنشا جارىستاردا باق سىناي الادى. ەڭ مىقتى قاتىسۋشىلار ەستەلىك سىيلىقتار مەن ماراپاتتارعا يە بولادى. سونىمەن قاتار «تامەرلان»، «بەرەكە» جانە «بايتەرەك» بالالار ءۇيى تاربيەلەنۋشىلەرى اراسىندا شاحمات ءتۋرنيرى وتكىزىلەدى.
«جاستار» سارايىندا بۇل كۇنى «دوستىق - ءبىزدىڭ تىرەگىمىز» مەرەكەلىك باعدارلاماسىنا قاتىسۋعا بولادى، ال 2-مامىردا «ناز» مەملەكەتتىك بي تەاترى كورەرمەندەردى «قازاقستان - دوستىقتىڭ كيەلى بەسىگى» كونسەرتىنە شاقىرادى. بىرلىك مەرەكەسىنە وراي قالالىق ورتالىقتاندىرىلعان كىتاپحانا جۇيەسى ءبىرقاتار ءىس- شارالار دايىندادى.
28-ءساۋىر كۇنى № 9-بۇقارالىق كىتاپحانادا «پاراسات جولى» باعدارلاماسى اياسىندا «ءبىز بىرگەمىز جانە تاتۋمىز» اتتى اڭگىمە- شولۋ وتەدى، كۇندىز №9-بالالار كىتاپحاناسىندا «ءبىز ءبىر حالىقپىز، ءبىر ەلمىز» اتتى ادەبي ساعات وتەدى، ال № 8-بالالار كىتاپحاناسى «ءبارىمىز بۇل جەردەن ورىن تابامىز. قازاقستان - ءبىزدىڭ ورتاق، مەيىرىمدى ءۇيىمىز!» حوروۆودى وتەدى.
№7-بۇقارالىق كىتاپحانادا «دوستىق ءانىن شىرقايىق» فلەشموبى جانە «تاتۋلىق - دوستىقتىڭ كيەلى بەسىگى» پاتريوتتىق ساعاتى ۇيىمداستىرىلادى، №5-بالالار كىتاپحاناسى «ءبىز - ءبىر حالىقپىز، ءبىز - ءبىر ەلمىز» ادەبي كارناۆالىنا شاقىرادى.
№5-بۇقارالىق كىتاپحانادا «بىرلىك، كەلىسىم، بەيبىتشىلىك» بيليوەكسپوزيتسياسى، ال №10-بۇقارالىق كىتاپحانادا «ۇلت بىرلىگى - ۇلى بايلىق» كورمە- پانوراماسىن دايىنداۋدا.