الماتىدا سوعىس ارداگەرلەرىنە 1 ميلليون تەڭگە بەرىلەدى

الماتى. قازاقپارات - بيىل الماتى قالاسىندا 9- مامىر - جەڭىس كۇنى تويلانادى.
None
None

بۇل تۋرالى قالا باسشىسى ەربولات دوسايەۆ بوستاندىق اۋدانى تۇرعىندارىمەن كەزدەسۋ بارىسىندا ايتتى، دەپ حابارلايدى قازاقپارات ءتىلشىسى.

«وتان ءۇشىن وت كەشكەن ارداگەرلەرىمىز قاشان دا قۇرمەتكە لايىق. ۇلى جەڭىس مەرەكەسى قارساڭىندا قارت مايدانگەرلەرگە ەرەكشە كوڭىل بولىنەدى. اكىمدىك تاراپىنان قولداۋ مەن قۇرمەت كورسەتىلەدى. سوعىس ارداگەرلەرىنە ءبىر ميلليون تەڭگەدەن بەرىلەدى. سونداي-اق وسى ساناتقا تەڭەستىرىلگەن ازاماتتار مەن تىل ەڭبەككەرلەرىنە دە ماتەريالدىق كومەك كورسەتىلەدى»، - دەدى الماتى اكىمى.

ەربولات دوسايەۆتىڭ ايتۋىنشا، جەڭىس كۇنى 28- پانفيلوۆشىلار پاركىندە ورنالاسقان «ماڭگىلىك الاۋعا» گۇل شوعىن قويۋ مەن قان مايداندا قازا بولعان قۇربانداردى ەسكە الۋ شاراسى وتەدى.

ايتا كەتەيىك، بيىل نۇر-سۇلتان قالاسىندا جەڭىس كۇنىنە ارنالعان اسكەري پاراد بولمايدى.

سوڭعى جاڭالىقتار