ۇلتتىق بانك ۆاليۋتالىق ينتەرۆەنتسياعا ناۋرىزدا 1 ميلليارد دوللارعا جۋىق باعىتتادى
بۇل تۋرالى ۇلتتىق بانك ءتوراعاسىنىڭ ورىنباسارى ءاليا مولدابەكوۆا ءمالىم ەتتى، دەپ حابارلايدى قازاقپارات.
سپيكەر ناۋرىز ايىندا ۆاليۋتا نارىعىنداعى جاعدايعا، ينتەرۆەنتسيالار مەن تەڭگە باعامىنا اسەر ەتكەن نەگىزگى فاكتورلار تۋرالى ايتىپ بەردى.
«ءبىر اي ىشىندە تەڭگەنىڭ ايىرباستاۋ باعامى سىرتقى نارىقتارداعى قۇبىلمالىلىقتى كورسەتە وتىرىپ السىرەۋ، سول سياقتى نىعايۋ جاعىنا قاراي قوزعالىسقا ۇشىرادى. رەسەي فەدەراتسياسى مەن ۋكراينا اراسىنداعى قاقتىعىستىڭ كۇشەيۋى جانە دامۋشى نارىقتاردىڭ ۆاليۋتالارى مەن اكتيۆتەرىنىڭ جاھاندىق السىرەۋى تەڭگەگە قىسىم كورسەتتى. ايدىڭ ورتاسىندا تەڭگە باعامى بيرجالىق ساۋدا- ساتتىقتا 1 ا ق ش دوللارى ءۇشىن 512,17 تەڭگە بەلگىسىنە جەتتى. قارجىلىق تۇراقتىلىقتى قامتاماسىز ەتۋ جانە تەڭگە باعامىن تۇراقسىزداندىراتىن اۋىتقۋلاردى بولدىرماۋ ءۇشىن ۆاليۋتا نارىعىن تۇراقتاندىرۋ بويىنشا ءبىرقاتار شارا قابىلداندى. 9-ناۋرىزدا قازاقستان قور بيرجاسىندا دوللار- تەڭگە جۇبى بويىنشا ساۋدا- ساتتىق فرانكفۋرتتىق اۋكتسيون نىسانىندا وتكىزىلدى. جالپى العاندا، ناۋرىزدا ۇلتتىق بانك 990,5 ميلليون ا ق ش دوللارىنا ۆاليۋتالىق ينتەرۆەنتسيا جۇرگىزدى. ۇلتتىق قوردان بيۋدجەتكە 891 ميلليون ا ق ش دوللارى مولشەرىندە ترانسفەرتتەردى جۇزەگە اسىرۋ ءۇشىن ساتۋ، سونداي- اق كۆازيمەملەكەتتىك سەكتور سۋبەكتىلەرىنىڭ 233,4 ميلليون ا ق ش دوللارى مولشەرىندە ۆاليۋتالىق ءتۇسىمنىڭ ءبىر بولىگىن ساتۋى تەڭگەگە قولداۋ كورسەتتى»، - دەدى ءا. مولدابەكوۆا.
بۇعان دەيىن حابارلاعانىمىزداي، ۇلتتىق بانك ايىرباستاۋ پۋنكتەرى ارقىلى شەتەل ۆاليۋتاسىن ساتۋ- ساتىپ الۋ باعامدارىنىڭ اۋىتقۋ شەگىن بەلگىلەدى. اتاپ ايتقاندا، اۋىتقۋ ا ق ش دوللارى ءۇشىن - 6 تەڭگەدەن 15 تەڭگەگە دەيىن، ەۋرو ءۇشىن - 7 تەڭگەدەن 20 تەڭگەگە دەيىن كەڭەيتىلدى. بۇل بۇيرىق 2023 -جىلعى 1-قاڭتارعا دەيىن قولدانىستا بولادى. بۇدان بولەك، الىپساتارلىق سۇرانىستىڭ قىسىمىن تومەندەتۋ، ەلدەن شەتەل ۆاليۋتاسىنىڭ شامادان تىس اكەتىلۋىن باقىلاۋ بويىنشا شارالار قولعا الىندى. اتاپ ايتقاندا، پرەزيدەنت جارلىعىمەن قازاقستاننان 10000 دوللاردان كوپ قولما- قول شەتەل ۆاليۋتاسىن سىرتقا شىعارۋعا شەكتەۋ ەنگىزىلدى.
«قابىلدانعان شارالاردىڭ ناتيجەسىندە جانە گەوساياسي شيەلەنىستىڭ سالىستىرمالى تۇردە تومەندەۋىنە قاراي تەڭگە باعامى شىعىننىڭ ەداۋىر بولىگىن قايتاردى جانە ءبىر ايدا %5,7 نىعايىپ، ايدىڭ سوڭىنا قاراي 467 بولدى. ءساۋىردىڭ باسىنان باستاپ تەڭگە باعامى ەكسپورتتاۋشىلار تاراپىنان ساتۋ جانە حالىق تاراپىنان شەتەل ۆاليۋتاسىنا سۇرانىستىڭ تومەندەۋى اياسىندا نىعايا ءتۇسىپ، قازىر 459,76 (7-ساۋىردە) دەڭگەيىندە ساۋدالانىپ وتىر»، - دەدى سپيكەر.
